قازاقستان ۇلتتىق بانكٸ قاراجات جٸبەرۋ تۋرالى ٶتٸنٸشٸ بار ەلەكتروندىق حاتتار مەن انونيمدٸ تەلەفون قوڭىراۋلارىن ەلەمەۋگە شاقىرادى, دەپ حابارلايدى "ۇلت اقپارات".
«بەلگٸسٸز بانكتٸك شوتتاردىڭ دەرەكتەمەلەرٸ قامتىلعان, كەزدەيسوق اقشا الۋ مٷمكٸندٸكتەرٸ تۋرالى حابارلامالار كٶپ جاعدايدا ولاردىڭ الاياقتىق ەرەكەت ەكەندٸگٸن كٶرسەتەدٸ. شىن مەنٸندە مۇنداي حاتتار ۇلتتىق بانكتەن جەكە تۇلعالارعا تاراتىلمايدى.ورتالىق بانكتەر جەكە تۇلعالاردىڭ شوتىنا قىزمەت كٶرسەتپەيدٸ, اقشالاي ەسەپ ايىرىسۋلار مەن مەمٸلەلەر جٷرگٸزبەيدٸ: ۇلتتىق بانكتەگٸ بانكتٸك شوتتار تەك قۇب, ەكٸنشٸ دەڭگەيدەگٸ بانكتەر مەن سانى شەكتەۋلٸ زاڭدى تۇلعالاردىڭ وپەراتسيياسىن ەسەپكە الۋ ٷشٸن عانا اشىلۋى مٷمكٸن. وسىعان وراي قازاقستان ۇلتتىق بانكٸنٸڭ جەكە تۇلعالاردىڭ قۇندى زاتتارى مەن بانكنوت, مونەتالارىنا قاتىستى ينكاسساتسييالىق (سونىڭ ٸشٸندە جەتكٸزۋ, تاسىمالداۋ) قىزمەتتٸ اتقارمايتىنىن ەسكەرتەمٸز»,– دەپ حابارلادى ۇلتتىق بانك.
قازاقستان ۇلتتىق بانكٸنەن قاراجات جٸبەرۋ تۋرالى ٶتٸنٸشٸ بار كٷدٸكتٸ حاتتاردى العان جاعدايدا قۇقىق قورعاۋ ورگاندارىنا حابارلاسۋ قاجەت.
كەڭەس الۋ ٷشٸن 1477 قىسقا نٶمٸرٸ بويىنشا ۇلتتىق بانكتٸڭ بايلانىس ورتالىعىنا دا حابارلاسۋعا بولادى.
