Ulttyq bank aqsha jymqyrý maqsatynda azamattardyń jeke derekterine ie bolý úshin Ulttyq banktiń qyzmetkeri retinde telefon shalatyn alaiaqtardyń kóbeie bastaǵanyn eskertti.
Qastyq oilaǵandar telefon arqyly bailanysqan kezde bank shotynyń nómirleri men nesieniń bar-joǵy týraly aqparatty suraidy. Sonymen birge, "tehnikalyq monitoring" maqsatynda degen jeleýmen azamattardan tólqujat derekterin, atap aitqanda, JSN málimetterin bilgisi keledi. Alaiaqtar, sonymen qatar tekserý úshin dep shot ashýdy nemese testik-rejimde nesie alýǵa ótinish berýdi jáne úshinshi taraptyń shotyna aqsha aýdarýǵa úndeidi.
"Ulttyq bank aqsha jiberińiz degen elektrondy hattar men belgisiz nómirlerden túsken qońyraýlarǵa jaýap bermeýge keńes beredi. Belgisiz bank shottarynyń rekvizitteri kórsetilgen aiaq asty aqshaǵa tap bolasyz degen habarlama nemese telefon qońyraýy kóbinese alaiaqtardyń áreketi bolyp shyǵady", - delingen habarlamada.
Ulttyq bank jeke tulǵalardyń shottaryna qyzmet kórsetpeidi, aqshalai esep aiyrysý men mámileler jasamaidy. Ulttyq bankte shottardy tek qana Ulttyq banktiń, ekinshi deńgeili bankterdiń, shekteýli zańdy tulǵalardyń operatsiialaryn esepke alý úshin ashylady.
"Ulttyq bankten" aqsha aýdaryńyz degen sipatta kúmándi hat kelse nemese qońyraý tússe, quqyq qorǵaý organdaryna aryzdaný qajet.
