QR Qarjy naryǵyn retteý jáne damytý agenttigi tóraǵasynyń orynbasary Nurlan Ábdirahmanov ipotekalyq nesieni qaita qarjylandyrý baǵdarlamasy týraly aitty, dep habarlaidy QazAqparat.
Qazaqstanda ipotekalyq turǵyn úidi qaita qarjylandyrý baǵdarlamasy 2015 jyldan bastap júzege asyrylýda. Baǵdarlamanyń birinshi kezeńinde 2004-2009 jyldar aralyǵyndaǵy berilgen ipotekalyq qaryzdardy qaita qarjylandyrý kózdelgen. Ulttyq Bank qaryz alýshylardy qoldaýǵa 130 mlrd teńge bóldi.
Nurlan Ábdirahmanovtyń aitýynsha, baǵdarlama tabysty iske asyrylýda jáne búginde baǵdarlama sheńberinde 171,4 mlrd teńgege 28 myń qaryz alýshyǵa kómek kórsetildi, 56 mlrd teńgeden astam qarjyǵa qaryz alýshylardyń syiaqy, komissiialar, turaqsyzdyq somasy boiynsha bereshegi tómendetildi.
«Bankter bólgen qarajat tolyq kólemde igerildi jáne revolverlik tetikti eskere otyryp qaita qarjylandyrylǵan qaryzdar sany 2026 jylǵa deiin 40 myńnan asty»,-deidi QR Qarjy naryǵyn retteý jáne damytý agenttigi tóraǵasynyń orynbasary Nurlan Ábdirahmanov.
Baǵdarlamanyń ekinshi kezeńi 2018 jyly iske qosyldy jáne jeke tulǵalardyń valiýtalyq ipotekalyq qaryzdaryn Ulttyq Banktiń 2015 jylǵy 18 tamyzdaǵy baǵamy (bir AQSh dollary úshin 188,35 teńge) boiynsha teńgemen qaita qarjylandyrýdy kózdeidi. Baǵam aiyrmasynyń somasy (156 mlrd teńge) Ulttyq Bank qarajatynyń esebinen óteledi. Bankter qaryz alýshylardyń syiaqy, komissiialar, turaqsyzdyq boiynsha bereshegin 136 mlrd teńge somasyna tómendetedi.
«Valiýtalyq qaryz alýshylardan qaita qarjylandyrýǵa bankterge 9 myńnan asa ótinim berildi, onyń ishinde qaita qarjylandyrýǵa 78,7 mlrd teńge somaǵa 8 840 qaryz maquldandy»,- deidi Nurlan Ábdirahmanov.
Turǵyn úi nesiesi boiynsha ipotekalyq qaita qarjylandyrý baǵdarlamasymen ipotekalyq qaryz alýshylarǵa qosymsha kómek kórsetý merzimi 2021 jyldyń 1 shildesine deiin belgilengen.
«Qaryz alýshynyń menshigine bank balansynda kórsetilgen jalǵyz turǵyn úidi qaitarý úshin qarjy institýttaryna qaryz alýshyny qarjylandyrýǵa nemese keiinnen satyp alý múmkindigimen turǵyn úidi jalǵa berý qarastyrylǵan, - deidi ol.
Onyń aitýynsha, problemalyq ipotekalyq qaryz alýshylarmen, onyń ishinde HÁOT-qa jatatyn azamattardyń sanattarymen odan ári jumysty Úkimettiń tapsyrmasy boiynsha qurylǵan jumys toptary sheńberinde ákimdikter jeke tártippen júzege asyratyn bolady.
