QR Ulttyq banki 2021-2022 jyldarǵa arnalǵan zertteý baǵdarlamasyn ázirledi, dep habarlaidy "Ult aqparat".
Baǵdarlama Ulttyq banktiń strategiialyq jáne ortamerzimdi zertteý mindetterin anyqtap, uiymnyń sol mindet aiasynda baǵa men qarjy turaqtylyǵyn qamtamasyz etý mandatyn aiqyndaidy.
Osy maqsattarǵa turaqty qol jetkizý úshin ekonomikalyq ortany qalyptastyratyn kóptegen faktorlardy, ózara áser etý arnalaryn jáne Qazaqstan ekonomikasy aldynda turǵan mindetterdi durys túsinýdi talap etedi.
Qujatta bes negizgi bólim bar: «Aqsha-kredit saiasatynyń joldary men makroekonomikalyq úilestirý», «Makroekonomikalyq saiasattyq saraptama júrgizý tásilderi», «Qarjy jáne sabaqtas naryqtardyń ótimdigi men baǵa qalyptastyrý», «Qarjy qatynastaryn retteý men damytý», «Tólem júiesiniń bolashaǵy».
Ár bólim boiynsha jan-jaqty zertteýdi qajet etetin strategiialyq baǵyttar qalyptasyp, Ulttyq banktiń qyzmeti úshin 2021 jylǵa arnalǵan zertteýdiń eń basym baǵyttary anyqtaldy.
Bul qujat Ulttyq banktiń qoǵamǵa aqparat berý deńgeiin jaqsartyp, qoǵamdyq diskýrs deńgeiin kúsheitýge, konstrýktivti aqparattyq-saraptamalyq orta qalyptastyrýǵa jáne ekonomikalyq saiasattyń eń ózekti máselelerine jaýap izdeý úshin akademiialyq qaýymdastyqtyń ǵylymi áleýetin baǵyttaýǵa múmkindik beredi.
