Qazaqstan Respýblikasynyń Ulttyq banki nominaly 2000 teńgelik banknottar týraly málimdeme jasady, dep habarlaidy "Ult aqparat".
Qazirgi ýaqytta Ulttyq bank tóraǵasynyń qoltańbasy qoiylǵan, sol siiaqty qoltańbasy qoiylmaǵan nominaly 2000 teńgelik banknottar ainalymda júr. Azamattar qaisy jalǵan ekenin bilmei álek boldy.
"Qazaqstan Respýblikasynyń Ulttyq banki ulttyq valiýta – teńge banknottary men monetalary dizainynyń tujyrymdamasyna sáikes, Ulttyq bank tóraǵasynyń teńge banknottarynda qoltańbasynyń qoiylýy týraly talaptyń 2016 jyldan bastap alyp tastalǵanyn eske salady. Qazirgi ýaqytta ainalymda Ulttyq bank tóraǵasynyń qoltańbasy qoiylǵan, sol siiaqty qoltańbasy qoiylmaǵan 2012 jylǵy úlgidegi nominaly 2000 teńgelik banknottar bar", - delingen aqparatta.
Bul banknottar zańdy tólem quraly sanalady jáne tólemniń barlyq túri boiynsha qabyldanýǵa mindetti, dep atap ótti Ulttyq bank.
Al suraqtar týyndaǵan jaǵdaida qolma-qol aqsha ainalymy departamentiniń +7 (727) 596-814 telefonyna habarlasýǵa bolady.
