Qazaqstan Ulttyq banki 200 teńgelik banknottardyń ainalymda bolý tártibin túsindirdi, dep habarlaidy "Ult aqparat" UB silteme jasap.
Qazaqstan Ulttyq bankine turǵyndar tarapynan ótinishter túsip jatyr. Shaǵym ieleri kásipkerlerdiń nominaly 200 teńgelik banknottardy qabyldaýdan bas tartatynyn aitady.
QUB nominaly 200 teńgelik banknottardyń zańdy tólem quraly bolyp qalatynyneske salady. Olar 200 teńgelik monetalarmen ainalymda qatar júredi. Ol banknottardy tólemderdiń, banktik operatsiialar men aýdarymdardyń barlyq túri boiynsha qabyldaýǵa mindetti.
Bul banknottardy bankter men «Qazposhta» AQ-nyń barlyq bólimshelerinde, sondai-aq QUB filialdarynda usaqtaýǵa da, aiyrbastaýǵa da bolady. Olar tabiǵi tozyǵy jetkende ǵana ainalymnan alynady.
Bul banknottardy qabyldaýdan bas tartý Ákimshilik quqyq buzýshylyq týraly kodekstiń 206-babyna sáikes ákimshilik jaýapkershilikke ákep soǵady.
Eger sizden nominaly 200 teńgelik kýpiýralar qabyldanbasa, onda jaqyn mańdaǵy QUB-tyń aýmaqtyq filialyna habarlasý qajet. Beinejazba jasaýǵa keńes beremiz, bolmasa, banknotty qabyldaýdan bas tartqan adamnan jazbasha negizdeme talap etińiz.
Bizdiń filialdarymyzdyń meken-jaiy men bailanys telefondary QUB saitynda kórsetilgen. Qosymsha suraqtar týyndasa, QUB-tyń bailanys ortalyǵyna 1477 nómiri arqyly habarlasýǵa bolady.
