Ulttyq atom energetikasyn damytýǵa qajetti joǵary bilikti mamandardy daiarlaýǵa jiti mán bergen abzal. Bul týraly Ulttyq iadrolyq ortalyǵynyń Atom energiia institýty filialy direktorynyń materialtaný zertteýleri jónindegi orynbasary Erbolat Qoianbaev aitty, dep habarlaidy QazAqparat.
«Memleket basshysy Qasym-Jomart Toqaevtyń Máskeýge sapary aiasynda elimizdiń Energetika ministrligi men Reseidiń «Rosatom» atom energiiasy memlekettik korporatsiiasy arasyndaǵy Qazaqstan Respýblikasynyń atom energiiasyn beibit maqsatta paidalaný salasyndaǵy qadrlardy daiarlaý jónindegi ózara túsinistik týraly memorandým rásimdelgen bolatyn. Bul memorandýmnyń Qazaqstan aýmaǵynda atom elektr stansasy qurylysyn júrgizýge esh qatysy joq. Ataýy aityp turǵandai, atom energiiasyn beibit maqsatta paidalaný salasynda kadrlar daiarlaýdy kózdeidi. Óitkeni, qazirgi ýaqytta elimizde ulttyq atom energetikasyn damytýǵa qajetti joǵary bilikti mamandardy daiarlaýǵa jiti mán bergen abzal», - dedi ol.
Erbolat Qoianbaev taiaýda ótken Úkimettiń keńeitilgen otyrysynda Qazaqstan Prezidenti atom elektr stansasyna qatysty paiymyn jetkizgenine nazar aýdartty.
Sonymen qatar AES salynǵan jaǵdaida bilikti mamandardyń qajettiligi kúntártibine shyǵatyndyǵyn basa aitty.
«Qazir respýblika aýmaǵynda úsh zertteý reaktory, onyń ekeýi Kýrchatovta jáne bireýi Almatyda paidalanylyp jatqanyn aita ketý kerek. Atalǵan qondyrǵylardy basqara alatyn qajetti mamandar Ulttyq iadrolyq ortalyǵynda da, Iadrolyq fizika institýtynda da bar. Álbette, bul mamandar AES-ke qajetti aýysymdyq jumysshylardy tolyq qamtamasyz ete almaidy. AES-tiń qyzmetine jaraityn negizgi mamandardy qazaqstandyq joǵary oqý oryndary daiarlap jatyr. Bul - fizikter, energetikter, elektrikter, avtomattandyrý jáne baqylaý-ólsheý aspaptary salasyndaǵy mamandar. Iaǵni elimizde tehnikalyq turǵydan bilimdi azamattar joq emes, biraq olar AES-te jumys isteý úshin qosymsha bilim alǵany mańyzdy», -dedi sarapashy.
Onyń aitýynsha, atomdyq energetikany tiimdi damytý maqsatynda uzaq merzimdi negizde mamandar daiarlaýdyń memlekettik júiesin qurý qajet.
Oǵan birneshe urpaqty qamtityn eńbek resýrstary engiziledi.
