2018 jyldyń 26 aqpanynda Qazmedia ortalyǵynyń 5-shi stýdiiasynda “Qazaqstan” RTRK AQ Basqarma tóraǵasy Erlan Qarin Ulttyq arnanyń kóktemgi televiziialyq maýsymymen tanystyryp, jańa jobalary jaily aityp, 2017 jyldyń negizgi jetistikterin atap ótti.
Qazaqtyń tól ónerin dáripteitin “Men qazaqpyn” halyqaralyq mýzykalyq jobasy men 8 memlekette tikelei transliatsiia arqyly kórsetilgen “SilkWayStar” megajobasy kórermender arasynda joǵary baǵalanyp, ótken maýsymnyń basty jańalyǵy boldy.
Sondai-aq, 2017 jyly “Parasat maidany”, “1stýdiia”, “Basty taqyryp”, “Másele”, “Elden habar” jáne t.b qoǵamdyq-saiasi jáne aqparattyq-saraptamalyq jobalardyń sany artyp, kórermenge jol tartty.
Sonymen qatar, Ulttyq arna memlekettik mańyzy joǵary túsirilimder men tikelei transliatsiialardy júzege asyrdy. Atap aitsaq, 2017 jylǵy Qysqy Ýniversiada, Áskeri sherý, halyqaralyq mamandandyrylǵan “Astana EKSPO-2017” kórmesiniń ashylý men jabylý saltanaty, QR prezidentiniń qatysýymen ótken “Indýstriialandyrý kúnine” arnalǵan elimizdiń 26 nysanyn qamtyǵan telekópir ótkizildi.
“Ótken jyly kontentti jańartý barysynda áleýmettik jobalardyń sany artty, aqparattyq-saraptamalyq baǵdarlamalardyń formaty ózgerdi. Eń bastysy, ózimizdiń ishki teleónimniń úlesi 80%-ǵa ósti, iaǵni bul syrttan satyp alynbaǵan kontent. Biz ári qarai da kontentti jańartý jumystaryn jalǵastyryp, sapaly týyndylardyń sanyn arttyrýǵa atsalysamyz», dedi Erlan Qarin.
Ulttyq telearnada jańa televiziialyq maýsym dástúr boiynsha, naýryz aiynyń basynan bastalmaq. «Qazaqstan» telearnasynan birneshe jańa jobalar men telehikaialar kórermenge jol tartady. Burynnan kele jatqan tanymal jobalardyń júrgizýshileri aýysyp, endi “Túngi stýdiiany” akter ári syqaqshy Qairat Ádilgerei júrgizse, “Senbilik shoýdyń” tizginin Tursynbek Qabatov ustaidy. Sondai-aq, jańa maýsym aiasynda aqpan aiynda efirge shyqqan “Baqytty áiel” tok-shoýy áielder arasynda úlken suranysqa ie. Bul baǵdarlamada keiipkerler óziniń basynan ótken qyzyqty oqiǵalary men baqytty bolýdyń qyr-syrlarymen bólisedi. Aldaǵy ýaqytta elimizdiń tarihynan syr shertetin “Alash aqiqaty” baǵdarlamasy men “Bala kóńili” atty balalar tárbiesin qozǵaityn gýmanitarlyq-aǵartýshylyq joba shyǵatyn bolady.
“Kóktemgi maýsymnyń basty tusaýkeseri «Júrsinniń júirikteri» atty aqyndar saiysy bolmaq. Aitysta 20 shaqty aqyn aitysyp, óz ónerlerin ortaǵa salady. Bul joba birneshe ai boiy júredi, ulttyq naqyshty saqtai otyryp, jańa formatta usynatyn bolamyz”- dedi Erlan Karin.
«Júrsinniń júirikteri» baǵdarlamasynyń qazylar alqasynda belgili óner qairatkerleri: qazaq kinosynyń maitalmany, QR halyq ártisi Asanáli Áshimov, ánshi ári kompozitor, QR halyq ártisi Altynbek Qorazbaev, professor, ǵylym doktory Namazaly Omashev pen QR halyq aqyny Asiia Berkenova. Al, jobanyń basty qonaǵy QR eńbek sińirgen qairatkeri, aqyn jáne jýrnalist Júrsin Erman saiys arasynda pikirin aityp otyratyn bolady.
Sonymen qatar, Ulttyq arna jas aýditoriiany arttyrý maqsatynda, qyzyqty ári erekshe «Q-pop Idols» atty jobanyń tusaýyn kespek. Bul jobanyń jetekshisi belgili mýzykant, prodiýser Erbolat Bedelhan.
Jańa maýsym aiasynda birqatar jańa otandyq telehikaialar usynylatyn bolady. 26 naýryzdaa Alash ziialylarynyń 20-shy ǵasyrdyń basynda Táýelsizdik jolyndaǵy taǵdyryn baiandaityn “Tar zaman” telehikaiasy efirge shyǵady. Atap aitqanda, kórermender «Týǵan jer», «Súie bilseń-2», «Jaralanǵan júrekter», «Ińkár júrek-3» jáne t.b telehikaialardy tamashalaityn bolady.
Belgili bolǵandai, biyl Qazaq televiziiasy 60-jyldyq mereitoiyn atap ótýde. Osy aitýly mereke qarsańynda “Qazaqstan” telearnasy birneshe is sharalardy ótkizip keledi.
«Ulttyq arnada ár jyldary kóptegen tanymal tulǵalar, ziialy qaýym ókilderi eńbek etip, Qazaq televiziiasynyń damýyna úlken úlesin qosty. Olardyń atqarǵan orasan eńbekterin umytpaý - bizdiń paryzymyz. Aqpannyń basynan bastap, ár jeksenbi saiyn Ulttyq arnanyń “Altyn qorynda” saqtalǵan, kezinde kórermenniń kóńilinen shyqqan burynǵy baǵdarlamalardy efirge shyǵarýdy uiǵardyq. Sondai-aq, Ulttyq arnanyń “Tańsholpan”, “Dara jol”, “Kelbet” jáne basqa da baǵdarlamalarynda otandyq televiziia ardagerleriniń qatysýymen arnaiy shyǵarylymdar jaryq kóredi. Munymen qosa, kórermenderge tosyn syi retinde, burynǵy telejýrnalister men diktorlar júrgizýshi bop efirge shyǵatyn bolady», dep aiaqtady sózin Basqarma tóraǵasy Erlan Qarin.
