"Ulttyq arna efirden jynysyn ózgertken er adamdy shaqyrý úshin oǵan aqsha tólegen", - dep habarlaidy NUR.KZ.
Jaqynda Láila Sultanqyzy bloger Elvira Ergalinaǵa suhbat berip, baǵdarlamanyń taǵy bir syrymen bólisti.
Láila Sultanqyzy transvistitti efirge shyǵarýdyń naqty bir kózdegen maqsaty bolmaǵanyn, tek osy kúni qoǵamda bar birjynystylarmen birge kúresý kerek ekenin, birge kúressek jeńe alamyz degendi aitqymyz keldi dep túsindirdi.
Sonymen qatar, efirge, halyq aldyna kóp shyǵa bermeitin mundai jigittermen baǵdarlama redaktorlary uzaq jumys jasaǵanyn, sońynda efirge shyǵarý úshin aqsha tóleýge deiin barǵan.
Qansha aqsha tólegenin jasyrǵan júrgizýshi bul suraqty joba jetekshisi Nariman Qoishybaevqa nemese prodiýseri Asyl Alshýrinaǵa qoiý kerektigin aitady.
Eske salsaq, bir aiǵa jýyq ýaqyt buryn «Qazaqstan» ulttyq arnasy «Áiel baqyty» baǵdarlamasyna LGBT ókilin shaqyrǵan bolatyn. Ulttyq arnanyń tórinen transvistit jigitke oryn bergeni úshin baǵdarlama júrgizýshisi Láila Sultanqyzynyń basy daýǵa qalǵan bolatyn.
Áleýmettik jeli qoldanýshylarynyń qyzý talqysyna túsip, «Qazaqstan» ulttyq arnasyna biraz syn aitylǵan edi. Tipti atyshýly jýrnalist Ardabek Soldatbai «Qazaqstan» ulttyq arnasynyń sol kezdegi basshysy Nurjan Jalaýqyzynan Láila Sultanqyzyn jumystan shyǵarýdy talap etti.
