"ۇلتتىق ارنا ەفيردەن جىنىسىن ٶزگەرتكەن ەر ادامدى شاقىرۋ ٷشٸن وعان اقشا تٶلەگەن", - دەپ حابارلايدى NUR.KZ.
جاقىندا لەيلا سۇلتانقىزى بلوگەر ەلۆيرا ەرگاليناعا سۇحبات بەرٸپ, باعدارلامانىڭ تاعى بٸر سىرىمەن بٶلٸستٸ.
لەيلا سۇلتانقىزى ترانسۆيستيتتٸ ەفيرگە شىعارۋدىڭ ناقتى بٸر كٶزدەگەن ماقساتى بولماعانىن, تەك وسى كٷنٸ قوعامدا بار بٸرجىنىستىلارمەن بٸرگە كٷرەسۋ كەرەك ەكەنٸن, بٸرگە كٷرەسسەك جەڭە الامىز دەگەندٸ ايتقىمىز كەلدٸ دەپ تٷسٸندٸردٸ.
سونىمەن قاتار, ەفيرگە, حالىق الدىنا كٶپ شىعا بەرمەيتٸن مۇنداي جٸگٸتتەرمەن باعدارلاما رەداكتورلارى ۇزاق جۇمىس جاساعانىن, سوڭىندا ەفيرگە شىعارۋ ٷشٸن اقشا تٶلەۋگە دەيٸن بارعان.
قانشا اقشا تٶلەگەنٸن جاسىرعان جٷرگٸزۋشٸ بۇل سۇراقتى جوبا جەتەكشٸسٸ ناريمان قويشىباەۆقا نەمەسە پروديۋسەرٸ اسىل الشۋريناعا قويۋ كەرەكتٸگٸن ايتادى.
ەسكە سالساق, بٸر ايعا جۋىق ۋاقىت بۇرىن «قازاقستان» ۇلتتىق ارناسى «ەيەل باقىتى» باعدارلاماسىنا لگبت ٶكٸلٸن شاقىرعان بولاتىن. ۇلتتىق ارنانىڭ تٶرٸنەن ترانسۆيستيت جٸگٸتكە ورىن بەرگەنٸ ٷشٸن باعدارلاما جٷرگٸزۋشٸسٸ لەيلا سۇلتانقىزىنىڭ باسى داۋعا قالعان بولاتىن.
ەلەۋمەتتٸك جەلٸ قولدانۋشىلارىنىڭ قىزۋ تالقىسىنا تٷسٸپ, «قازاقستان» ۇلتتىق ارناسىنا بٸراز سىن ايتىلعان ەدٸ. تٸپتٸ اتىشۋلى جۋرناليست اردابەك سولداتباي «قازاقستان» ۇلتتىق ارناسىنىڭ سول كەزدەگٸ باسشىسى نۇرجان جالاۋقىزىنان لەيلا سۇلتانقىزىن جۇمىستان شىعارۋدى تالاپ ەتتٸ.
