«Qazaqstan» teleradiokorporatsiiasy 2021 jylǵa arnalǵan jańa telehikaialarǵa baiqaý jariialaidy, dep habarlaidy "Ult aqparat" teleradiokoroporatsiianyń baspasóz qyzmetine silteme jasap.
Usynystar kelesi janrlyq baǵyttar boiynsha qabyldanady:
• ulttyq, otbasylyq qundylyqtar;
• tarihi tulǵalar jáne tarihi murany nasihattaý;
• áskeri-patriottyq (sport álemindegi kórnekti tulǵalar);
• retrospektiva;
• meditsina;
• bilim, kásip igerý, jastar tárbiesi;
• tabiǵatqa qamqorlyq;
• aýyl tynys-tirshiligi;
Tarihi tulǵalar taqyryby boiynsha tómende atalatyn kórnekti tulǵalar týraly telehikaialarǵa usynystar qabyldanady: Sáken Seifýllin, Qanysh Sátbaev, Muqaǵali Maqataev, Dina Nurpeiisova jáne esimi tarihqa ainalǵan abyz Domalaq ana ómiri jaiyndaǵy týyndylar.
Baiqaýǵa qatysýshy kompaniia arnaiy kontseptsiia joldaýy kerek.
Jobanyń ideiasy, janry, smetalyq shyǵyny, kompaniianyń tehnikalyq jaǵdaiy, mamandarynyń biliktilik quramy jáne filmografiiasy qamtylýy tiis.
Usynystar filmder men telehikaialar óndirisinde tájiribesi bar, tehnikalyq múmkindigi joǵary kompaniialardan ǵana qabyldanady.
