Ulttyq arhivtegi 1920-1930 jyldardaǵy asharshylyqqa qatysty qujattardyń qupiiasyzdandyrý merzimi əli ótpegen. Bul jaiynda Senat depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Qazaqstan Respýblikasy Bas prokýratýrasynyń málimetinshe, ótken ǵasyrdyń 1920-1930 jyldarynda repressiiaǵa ushyraǵan adamdar týraly birqatar qupiia jəne qupiia emes arhivtik materialdar Mədeniet jəne sport ministrliginiń Ulttyq arhiviniń saqtaýyna, onyń ishinde zertteý maqsatynda paidalaný úshin tapsyrylǵan. Kórsetilgen qujattar Qazaqstandaǵy ótken ǵasyrdyń 1920-1930 jyldaryndaǵy asharshylyqqa qatysty belgiler boiynsha jiktelmegen. Bul rette «Memlekettik qupiialar týraly» QR Zańynyń 20-babyna səikes osy qujattardy qupiiasyzdandyrý merzimderi əli ótpegen», - dedi Asqar Mamin.
Jalpy, onyń dereginshe, Ulttyq muraǵat qorynda respýblikalyq, oblystyq arhivteri deńgeiinde Qazaqstan aýmaǵyndaǵy 1921-1922 jáne 1929-1932 jyldar aralyǵynda bolǵan asharshylyqtarǵa qatysty 250 saqtaý materialy bar. Táýelsizdik alǵan jyldardan beri Qazaqstan Respýblikasy Ortalyq memlekettik arhivi 1921-1922 jyldardaǵy asharshylyqqa qatysty málimetterdi qamtityn Qazaq AKSR Halyq Komissariattar keńesi men Ortalyq atqarý komiteti qorlarynyń qujattaryna tolyqtai qupiiasyzdandyrý jumysyn júrgizip, ǵylymi ainalymǵa engizdi. Olardyń negizinde «Arhiv aiǵaq», «Alash Miras» atty, 2014 jyly Prezident arhivimen arhiv qujattary negizinde «Tragediia kazahskogo aýla. 1928-1934 gg.» atty qujattar men materialdar jinaǵy jaryqqa shyǵaryldy.
«Múddeli memlekettik organdar suranystarǵa sáikes jáne tiisti negizder bolǵan jaǵdaida muraǵatty zertteýge qajetti ruqsattardy berý jáne qupiialylyq rejimi bar qujattarǵa qol jetkizý boiynsha jumystardy turaqty negizde júrgizip keledi», - dedi Úkimet basshysy.
