ۇلتتىق ارحيۆتەگٸ 1920-1930 جىلدارداعى اشارشىلىققا قاتىستى قۇجاتتاردىڭ قۇپيياسىزداندىرۋ مەرزٸمٸ əلٸ ٶتپەگەن. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«قازاقستان رەسپۋبليكاسى باس پروكۋراتۋراسىنىڭ مەلٸمەتٸنشە, ٶتكەن عاسىردىڭ 1920-1930 جىلدارىندا رەپرەسسيياعا ۇشىراعان ادامدار تۋرالى بٸرقاتار قۇپييا جəنە قۇپييا ەمەس ارحيۆتٸك ماتەريالدار مəدەنيەت جəنە سپورت مينيسترلٸگٸنٸڭ ۇلتتىق ارحيۆٸنٸڭ ساقتاۋىنا, ونىڭ ٸشٸندە زەرتتەۋ ماقساتىندا پايدالانۋ ٷشٸن تاپسىرىلعان. كٶرسەتٸلگەن قۇجاتتار قازاقستانداعى ٶتكەن عاسىردىڭ 1920-1930 جىلدارىنداعى اشارشىلىققا قاتىستى بەلگٸلەر بويىنشا جٸكتەلمەگەن. بۇل رەتتە «مەملەكەتتٸك قۇپييالار تۋرالى» قر زاڭىنىڭ 20-بابىنا سəيكەس وسى قۇجاتتاردى قۇپيياسىزداندىرۋ مەرزٸمدەرٸ əلٸ ٶتپەگەن», - دەدٸ اسقار مامين.
جالپى, ونىڭ دەرەگٸنشە, ۇلتتىق مۇراعات قورىندا رەسپۋبليكالىق, وبلىستىق ارحيۆتەرٸ دەڭگەيٸندە قازاقستان اۋماعىنداعى 1921-1922 جەنە 1929-1932 جىلدار ارالىعىندا بولعان اشارشىلىقتارعا قاتىستى 250 ساقتاۋ ماتەريالى بار. تەۋەلسٸزدٸك العان جىلداردان بەرٸ قازاقستان رەسپۋبليكاسى ورتالىق مەملەكەتتٸك ارحيۆٸ 1921-1922 جىلدارداعى اشارشىلىققا قاتىستى مەلٸمەتتەردٸ قامتيتىن قازاق اكسر حالىق كوميسسارياتتار كەڭەسٸ مەن ورتالىق اتقارۋ كوميتەتٸ قورلارىنىڭ قۇجاتتارىنا تولىقتاي قۇپيياسىزداندىرۋ جۇمىسىن جٷرگٸزٸپ, عىلىمي اينالىمعا ەنگٸزدٸ. ولاردىڭ نەگٸزٸندە «ارحيۆ ايعاق», «الاش ميراس» اتتى, 2014 جىلى پرەزيدەنت ارحيۆٸمەن ارحيۆ قۇجاتتارى نەگٸزٸندە «تراگەدييا كازاحسكوگو اۋلا. 1928-1934 گگ.» اتتى قۇجاتتار مەن ماتەريالدار جيناعى جارىققا شىعارىلدى.
«مٷددەلٸ مەملەكەتتٸك ورگاندار سۇرانىستارعا سەيكەس جەنە تيٸستٸ نەگٸزدەر بولعان جاعدايدا مۇراعاتتى زەرتتەۋگە قاجەتتٸ رۇقساتتاردى بەرۋ جەنە قۇپييالىلىق رەجيمٸ بار قۇجاتتارعا قول جەتكٸزۋ بويىنشا جۇمىستاردى تۇراقتى نەگٸزدە جٷرگٸزٸپ كەلەدٸ», - دەدٸ ٷكٸمەت باسشىسى.
