UEFA Ulttar ligasynda Qazaqstan quramasynyń óz alańyndaǵy Albaniiamen kezdesýi aiaqtaldy, dep habarlaidy "Ult aqparat".
Qos qurama match barysynda teń dárejede oiyn kórsetti. Birinshi kezeńde ekeýiniń de gol soǵatyn birneshe múmkindigi bolǵan edi. Degenmen ony utymdy paidalana alǵan joq.
Ekinshi kezeńde quramalar esepti ózgertetin qolaily sátti izdedi.
Aita keterligi, Albaniia fýtbolshylarynyń belsendiligi aiqyn ańǵarylyp turdy. Olar gol soǵatyn birneshe múmkindikti qur jiberip aldy. Oiyn 0:0 esebimen teń aiaqtaldy.
Qazaqstan men Albaniia quramalary budan buryn 2006 jylǵy álem chempionaty irikteý kezeńinde ekinshi topta baq synasty. Qazaqstan quramasy atalǵan qarsylasyna sol joly óz alańynda 0:1, syrt alańda 1:2 esebimen jol berip qoidy. Osylaisha eki qurama óz tarihynda tuńǵysh ret teń túsip otyr.
Esterińizge sala ketelik, eki qurama S ligasy tórtinshi tobynda synǵa túsedi. Atalǵan toptaǵy Litva men quramalary búgin ózara sheberlik baiqasady. Ázirge týrnir kestesinde eki qurama tórt upai jinap, birinshi jáne ekinshi oryndy ózara bólisip tur.
Qazaqstan quramasy budan buryn eki kezdesý ótkizdi. Aldymen 4 qyrkúiekte syrt alańda Litvany 2:0 esebimen jeńip, 7 qyrkúiekte óz alańynda Belarýske 1:2 esebimen jeńilip qaldy.
Qazaqstan quramasy endi 14 qazanda Belarýspen syrt alańda oinaidy.
