ۇلتتار ليگاسى: قازاقستان مەن البانييا العاش رەت تەڭ تٷستٸ

UEFA ۇلتتار ليگاسىندا قازاقستان قۇراماسىنىڭ ٶز الاڭىنداعى البانييامەن كەزدەسۋٸ اياقتالدى, دەپ حابارلايدى "ۇلت اقپارات".

قوس قۇراما ماتچ بارىسىندا تەڭ دەرەجەدە ويىن كٶرسەتتٸ. بٸرٸنشٸ كەزەڭدە ەكەۋٸنٸڭ دە گول سوعاتىن بٸرنەشە مٷمكٸندٸگٸ بولعان ەدٸ. دەگەنمەن ونى ۇتىمدى پايدالانا العان جوق. 

ەكٸنشٸ كەزەڭدە قۇرامالار ەسەپتٸ ٶزگەرتەتٸن قولايلى سەتتٸ ٸزدەدٸ. 

ايتا كەتەرلٸگٸ, البانييا فۋتبولشىلارىنىڭ بەلسەندٸلٸگٸ ايقىن اڭعارىلىپ تۇردى. ولار گول سوعاتىن بٸرنەشە مٷمكٸندٸكتٸ قۇر جٸبەرٸپ الدى. ويىن 0:0 ەسەبٸمەن تەڭ اياقتالدى. 

قازاقستان مەن البانييا قۇرامالارى بۇدان بۇرىن 2006 جىلعى ەلەم چەمپيوناتى ٸرٸكتەۋ كەزەڭٸندە ەكٸنشٸ توپتا باق سىناستى. قازاقستان قۇراماسى اتالعان قارسىلاسىنا سول جولى ٶز الاڭىندا 0:1, سىرت الاڭدا 1:2 ەسەبٸمەن جول بەرٸپ قويدى. وسىلايشا ەكٸ قۇراما ٶز تاريحىندا تۇڭعىش رەت تەڭ تٷسٸپ وتىر. 

ەستەرٸڭٸزگە سالا كەتەلٸك, ەكٸ قۇراما س ليگاسى تٶرتٸنشٸ توبىندا سىنعا تٷسەدٸ. اتالعان توپتاعى ليتۆا مەن قۇرامالارى بٷگٸن ٶزارا شەبەرلٸك بايقاسادى. ەزٸرگە تۋرنير كەستەسٸندە ەكٸ قۇراما تٶرت ۇپاي جيناپ, بٸرٸنشٸ جەنە ەكٸنشٸ ورىندى ٶزارا بٶلٸسٸپ تۇر. 

قازاقستان قۇراماسى بۇدان بۇرىن ەكٸ كەزدەسۋ ٶتكٸزدٸ. الدىمەن 4 قىركٷيەكتە سىرت الاڭدا ليتۆانى 2:0 ەسەبٸمەن جەڭٸپ, 7 قىركٷيەكتە ٶز الاڭىندا بەلارۋسكە 1:2 ەسەبٸمەن جەڭٸلٸپ قالدى. 

قازاقستان قۇراماسى ەندٸ 14 قازاندا بەلارۋسپەن سىرت الاڭدا وينايدى.