Densaýlyq ministri bolyp maǵan deiin orys otyrdy 10 jyldai. Kezek kelgen siiaqty. Qonaev keremet azamat edi ǵoi. Sony aýystyrý kerek bolǵanda, meniń kandidatýram túsedi esine.
Ol kezde Aqtóbede rektormyn. Fazylov deitin bólim meńgerýshisinen men týraly pikir bilýdi tapsyrady, qandai harakteristika beredi eken deidi. Suraidy. Sosyn Qonaevqa kelip: «Suradym. Jaqsy uiymdastyrýshy, bilgir basshy dep jatyr. Biraq... Biraq, baryp turǵan ultshyl deidi», - depti. Sonda Qonaev: «Naǵyz keregi osy», - depti.
Ony keiin estidim. Bir jyldan keiin sol Fazylov: «Qalai kelgenińdi bilesiń be, Dimekeń osylai aitqan edi. Qiyn jaǵdai bolady ǵoi dep, biz aitqan joqpyz», - dedi.
Júregi qandai Dinmuhamed Ahmetulynyń... Soǵan toitarys berýdiń ózi qiyn dúnie ǵoi qarasaq. Ultshyl dep aiyp taǵyp jiberýge de bolady. Men biraq aiyptan qoryqqan joqpyn. Sóitip on jyldan asa ministr boldym. Ministrlikte júrip Dúniejúzilik densaýlyq saqtaý uiymy men IýNISEF arqyly alǵashqy meditsinalyq járdem taqyrybynda Almaty halyqaralyq konferentsiiasyn uiymdastyrdym. Ony BUU Dúniejúzilik densaýlyq saqtaý isindegi eń iri oqiǵa dep tanydy. Qorytyndysynda deklaratsiia qabyldanyp, barlyq memleket adamdarǵa alǵashqy meditsinalyq kómek berý quqyǵyna ie boldy. Deklaratsiia Uly Hartiia atalyp ketti.
Tóregeldi Sharmanovtyń Feisbýktaǵy jazbasy
