دەنساۋلىق مينيسترٸ بولىپ ماعان دەيٸن ورىس وتىردى 10 جىلداي. كەزەك كەلگەن سيياقتى. قوناەۆ كەرەمەت ازامات ەدٸ عوي. سونى اۋىستىرۋ كەرەك بولعاندا, مەنٸڭ كانديداتۋرام تٷسەدٸ ەسٸنە.
ول كەزدە اقتٶبەدە رەكتورمىن. فازىلوۆ دەيتٸن بٶلٸم مەڭگەرۋشٸسٸنەن مەن تۋرالى پٸكٸر بٸلۋدٸ تاپسىرادى, قانداي حاراكتەريستيكا بەرەدٸ ەكەن دەيدٸ. سۇرايدى. سوسىن قوناەۆقا كەلٸپ: «سۇرادىم. جاقسى ۇيىمداستىرۋشى, بٸلگٸر باسشى دەپ جاتىر. بٸراق... بٸراق, بارىپ تۇرعان ۇلتشىل دەيدٸ», - دەپتٸ. سوندا قوناەۆ: «ناعىز كەرەگٸ وسى», - دەپتٸ.
ونى كەيٸن ەستٸدٸم. بٸر جىلدان كەيٸن سول فازىلوۆ: «قالاي كەلگەنٸڭدٸ بٸلەسٸڭ بە, ديمەكەڭ وسىلاي ايتقان ەدٸ. قيىن جاعداي بولادى عوي دەپ, بٸز ايتقان جوقپىز», - دەدٸ.
جٷرەگٸ قانداي دٸنمۇحامەد احمەتۇلىنىڭ... سوعان تويتارىس بەرۋدٸڭ ٶزٸ قيىن دٷنيە عوي قاراساق. ۇلتشىل دەپ ايىپ تاعىپ جٸبەرۋگە دە بولادى. مەن بٸراق ايىپتان قورىققان جوقپىن. سٶيتٸپ ون جىلدان اسا مينيستر بولدىم. مينيسترلٸكتە جٷرٸپ دٷنيەجٷزٸلٸك دەنساۋلىق ساقتاۋ ۇيىمى مەن يۋنيسەف ارقىلى العاشقى مەديتسينالىق جەردەم تاقىرىبىندا الماتى حالىقارالىق كونفەرەنتسيياسىن ۇيىمداستىردىم. ونى بۇۇ دٷنيەجٷزٸلٸك دەنساۋلىق ساقتاۋ ٸسٸندەگٸ ەڭ ٸرٸ وقيعا دەپ تانىدى. قورىتىندىسىندا دەكلاراتسييا قابىلدانىپ, بارلىق مەملەكەت ادامدارعا العاشقى مەديتسينالىق كٶمەك بەرۋ قۇقىعىنا يە بولدى. دەكلاراتسييا ۇلى حارتييا اتالىپ كەتتٸ.
تٶرەگەلدٸ شارمانوۆتىڭ فەيسبۋكتاعى جازباسى
