Jaqynda «Qazaqstan» Respýblikalyq Teleradiokorporatsiiasy» Aktsionerlik Qoǵamynyń Basqarma Tóraǵasy Erlan Qarin Qazaq televiziiasynyń 60 jyldyǵy qarsańynda Ulttyq arna efirinde muraǵatta saqtalǵan telebaǵadarlamalar kórsetiletinin habarlaǵan edi.
Ulttyq arna búgin baǵdarlamanyń «Rý qymbat pa, ult qymbat pa?» taqyrybynda shyqqan bir shyǵarylymyn kórermen nazaryna usyndy. Habar qonaqtary – qazaq halqynyń mádenietiniń, ana tiliniń, dástúri men ádet-ǵurpynyń jańaryp, damýyna eleýli úles qosqan memleket qairatkeri Ózbekáli Jánibekov pen jazýshy Smaǵul Elýbai. Habar taspaǵa 1993 jyly basylǵan.
Habar túiini: «Ainalaiyn, aǵaiyn! «Jeti atasyn bilmegen jetesiz, túp atasyn bilmegen teksiz», degen dana sóz. Biraq, biletinińdi jeke basyńa, alaqandai aǵaiynyń úshin ǵana paidalanbai, bir rýdyń joǵyn ǵana joqtap qoimai, ulttyń, kúlli qazaqtyń qamyn oilaǵanda, biz órkenietti, mádenietti elge ainalamyz. Bárimizdiń túbimiz bir. «Túbi birge túrtpeidi, tegi birge teppeidi», degen bar. Endeshe, osy danalyqqa toqtaiyq».
