Úlken jáne Kishi Almaty shatqaldarynda jyl sońyna deiin taǵy 10 týristik marshrýt ashylady. Bul týraly qalalyq týrizm basqarmasy basshysynyń orynbasary Marat Ainabekov aitty, dep habarlaidy "Ult aqparat".
«Biz taý marshrýttarynyń abattandyrylýy men tsifrlandyrylýyna basa mán beremiz. Sońǵy eki jylda qalalyq týrizm basqarmasy 1000 taý soqpaǵyn tsifrlandyrdy. Sońǵy 3 jylda 300 shaqyrymǵa sozylǵan 25 taý marshrýty abattandyryldy. Úlken jáne Kishi Almaty shatqaldarynda jyl sońyna deiin uzyndyǵy 157 shaqyrym bolatyn taǵy 10 marshrýt abattandyrylady», - dedi Marat Ainabekov.
Onyń aitýynsha, Kókjailaýǵa baratyn soqpaq jol jekemenshik investitsiia esebinen jasalǵan.
Qalalyq týrizm basqarmasy habarlaǵandai, jańa infraqurylymdyq jobalarǵa investitsiia tartý maqsatynda Medeý taý shańǵysy kýrortynda 100 nómirge, 50 apartamentke shaqtalǵan qonaq úi kesheni, Býtakovka shatqalynda shaǵyn hostel men kofehanasy bar vizit ortalyǵy, 10 modýldik úishigi bar glemping aimaǵy, «Shymbulaq» vizit ortalyǵyn salý josparda bar.
