Bizdiń kóz aldymyzda Úlken Eýraziianyń sulbasy qalyptasyp keledi. Bul týraly búgin elordada ótip jatqan Astana klýbynyń jalpy otyrysynda QR Prezidenti Nursultan Nazarbaev aitty, dep habarlaidy QazAqparat tilshisi.
«Iri derjavalar arasyndaǵy qarama-qaishylyqtar órship, qazirgi álemdik tártiptegi turaqsyzdyqtyń kúsheie túsýinen keiingi oqiǵalardy boljaý múmkin emes bola túsýde. Mundai teketiresti biz uzaq ýaqyttan beri baiqamaǵan edik. Postbipoliarlyq dep atalatyn álemdik tártip úzildi-kesildi ótkenge ketip barady. Bizdiń kóz aldymyzda Úlken Eýraziianyń sulbasy qalyptasyp keledi», - dedi Nursultan Nazarbaev.
Memleket basshysy bul protseske jahandyq oiynshylardyń arasynda ózgeriske túse bastaǵan jaǵdaimen qatar óńirlik derjavalardyń arasyndaǵy ulǵaiyp kele jatqan básekelestik te óz yqpalyn tigizip otyrǵanyn aitty.
«Olardyń barlyǵy da ázirshe álemdik qurylymnyń bolashaq formatyna qatysty basty máselede irgeli pikir qarama-qaishylyǵyn eńsere alar emes», - dedi QR Prezidenti.
Buǵan deiin habarlaǵanymyzdai, QR Prezidenti Nursultan Nazarbaevtyń qatysýmen Astana klýbynyń jalpy otyrysy ótip jatyr.
