Úlken Almaty arnasynda kilem jýǵan áiel sýǵa batyp ketti, - dep habarlaidy Tengrinews.kz tilshisi Qazaqstan Respýblikasy Ishki ister ministrliginiń Tótenshe jaǵdailar komitetine silteme jasap.
Oqiǵa 2018 jyly 23 shildede Almaty oblysy Eńbekshiqazaq aýdanynda Almaty - Esik avtojolynda bolǵan.
Qaiǵyly oqiǵa jaily habarlama saǵat 17.19-da túsken. Sol ýaqyttan beri qaza tapqan adamnyń denesin izdestirý jumysty júrgen. Izdestirýge jedel qutqarý jasaǵy, órt sóndirýshiler, AIIB jáne ákimdik qyzmetkerleri qatysyp jatyr.
Oqiǵa kezinde 32 jastaǵy áieldiń janynda kúieýi bolǵan. Alaida er adam ony qutqara almaǵan. Sebebi áiel júze almaityn bolyp shyqqan.
"Kanaldyń tereńdigi 2 metr jáne sý aǵyny qatty. Eske salaiyq, ÚAK shomylýǵa nemese kilem jýýǵa arnalmaǵan, onymen egistik sýǵarady. Izdestirý top týysqany kórsetken sý aýmaǵynda súńgip, aǵys boiynsha 18 shaqyrymǵa jýyq jerdi tekserip shyqty", - dep habarlaidy TJK ókilderi.
Áieldi izdestirý jumystary áli de jalǵasyp jatyr. ÚAK-da sý deńgeii azaityldy, keibir aýdandarda sý bir metrge deiin tartyldy.
"Batyp ketken áieldiń týystaryna shliýzdardy tekserý talap etildi. Biraq sý ishine súńgýdiń qaýipsizdik tehnikasyna bailanysty bul oryndalmady", - dedi TJK ókilderi.
