Ońtústik Qazaqstan oblysy ákiminiń orynbasary Ulasbek Sádibekov Túrkistan qalasyna jasaǵan sapary barysynda Elbasy aitqan ulttyq sananyń jańǵyrýy osy rýhani qaladan bastalý qajettigin aitty, dep habarlaidy Ult.kz tilshisi.
Jumys sapary aiasynda Ulasbek Sádibekuly bastaǵan arnaiy top eń aldymen №15 M.Jumabaev atyndaǵy mektep-gimnaziiasynyń jańartylǵan bilim berý mazmuny boiynsha aprobatsiiadan ótýin pysyqtady. Munan soń, Túrkistan gýmanitarlyq-tehnikalyq kolledjinde «Rýhani jańǵyrý» baǵdarlamasy boiynsha jańa sport kesheniniń ashylý rásimine qatysty.
Jasampaz elimizdiń basty bailyqtarynyń biri - densaýlyq, salaýattylyq ekenin aitqan oblys ákiminiń orynbasary qaita jańǵyrý kezeńinde sportty jańǵyrtý maqsattarymyzdyń biri bolýy tiis ekenin jetkizdi. Sonymen qatar, ol 1 jeltoqsan - Qazaqstan Respýblikasynyń Tuńǵysh Prezidenti kúni merekesine tartý bolǵan bul sport kesheni jastardyń salaýatty ómirin qalyptastyrýda, buqaralyq sportty damytyp, áleýmettik jaǵdaiy tómen aimaq jastarynyń sporttyq sanasyn damytýda mańyzy erekshe bolatynyn atap ótti.
Osy kúni jumysshy top «Qazaqstannyń kieli jerleriniń geografiiasy» jobasyna aiasynda Shornaq aýyldyq okrýgindegi eski Sidaq qalasynda júrgizilip jatqan jumystarmen tanysty.
Sapar sońynda aýdan ákimdiginde keńeitilgen májilis ótip, onda Memleket basshysynyń «Bolashaqqa baǵdar:rýhani jańǵyrý» baǵdarlamalyq maqalasynda aitylǵan mindetterdiń qalada júzege asyrylý jaiy qaraldy.
Májiliske aýdan ákimi Á.Óserbaev, aýdan ákiminiń orynbasarlary, aýyldyq okrýg, poselke ákimderi, derbes bólim basshylary, aýdandyq Qoǵamdyq keńes tóraǵasy, aýdandyq ardagerler keńesiniń tóraǵasy, aýdan imamy, etno-mádeni birlestikter qatysty.
