وڭتٷستٸك قازاقستان وبلىسى ەكٸمٸنٸڭ ورىنباسارى ۇلاسبەك سەدٸبەكوۆ تٷركٸستان قالاسىنا جاساعان ساپارى بارىسىندا ەلباسى ايتقان ۇلتتىق سانانىڭ جاڭعىرۋى وسى رۋحاني قالادان باستالۋ قاجەتتٸگٸن ايتتى, دەپ حابارلايدى ۇلت.كز تٸلشٸسٸ.
جۇمىس ساپارى اياسىندا ۇلاسبەك سەدٸبەكۇلى باستاعان ارنايى توپ ەڭ الدىمەن №15 م.جۇماباەۆ اتىنداعى مەكتەپ-گيمنازيياسىنىڭ جاڭارتىلعان بٸلٸم بەرۋ مازمۇنى بويىنشا اپروباتسييادان ٶتۋٸن پىسىقتادى. مۇنان سوڭ, تٷركٸستان گۋمانيتارلىق-تەحنيكالىق كوللەدجٸندە «رۋحاني جاڭعىرۋ» باعدارلاماسى بويىنشا جاڭا سپورت كەشەنٸنٸڭ اشىلۋ رەسٸمٸنە قاتىستى.
جاسامپاز ەلٸمٸزدٸڭ باستى بايلىقتارىنىڭ بٸرٸ - دەنساۋلىق, سالاۋاتتىلىق ەكەنٸن ايتقان وبلىس ەكٸمٸنٸڭ ورىنباسارى قايتا جاڭعىرۋ كەزەڭٸندە سپورتتى جاڭعىرتۋ ماقساتتارىمىزدىڭ بٸرٸ بولۋى تيٸس ەكەنٸن جەتكٸزدٸ. سونىمەن قاتار, ول 1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتٸ كٷنٸ مەرەكەسٸنە تارتۋ بولعان بۇل سپورت كەشەنٸ جاستاردىڭ سالاۋاتتى ٶمٸرٸن قالىپتاستىرۋدا, بۇقارالىق سپورتتى دامىتىپ, ەلەۋمەتتٸك جاعدايى تٶمەن ايماق جاستارىنىڭ سپورتتىق ساناسىن دامىتۋدا ماڭىزى ەرەكشە بولاتىنىن اتاپ ٶتتٸ.
وسى كٷنٸ جۇمىسشى توپ «قازاقستاننىڭ كيەلٸ جەرلەرٸنٸڭ گەوگرافيياسى» جوباسىنا اياسىندا شورناق اۋىلدىق وكرۋگٸندەگٸ ەسكٸ سيداق قالاسىندا جٷرگٸزٸلٸپ جاتقان جۇمىستارمەن تانىستى.
ساپار سوڭىندا اۋدان ەكٸمدٸگٸندە كەڭەيتٸلگەن مەجٸلٸس ٶتٸپ, وندا مەملەكەت باسشىسىنىڭ «بولاشاققا باعدار:رۋحاني جاڭعىرۋ» باعدارلامالىق ماقالاسىندا ايتىلعان مٸندەتتەردٸڭ قالادا جٷزەگە اسىرىلۋ جايى قارالدى.
مەجٸلٸسكە اۋدان ەكٸمٸ ە.ٶسەرباەۆ, اۋدان ەكٸمٸنٸڭ ورىنباسارلارى, اۋىلدىق وكرۋگ, پوسەلكە ەكٸمدەرٸ, دەربەس بٶلٸم باسشىلارى, اۋداندىق قوعامدىق كەڭەس تٶراعاسى, اۋداندىق ارداگەرلەر كەڭەسٸنٸڭ تٶراعاسى, اۋدان يمامى, ەتنو-مەدەني بٸرلەستٸكتەر قاتىستى.
