Almatyda káriz qudyǵyna túsip gazǵa ýlanǵan «Almaty sý» qyzmetkerleriniń biri ózdiginen tynys ala bastady, dep habarlaidy qalalyq Qoǵamdyq densaýlyq saqtaý basqarmasy.
Túsken kezde ekeýine de aýyr dárejeli kúkirtsýtekti jutyp ýlanǵan, ortalyq júike júiesiniń zaqymdanýyna bailanysty ýytty entsefalopatiia diagnozy qoiylǵan.
Zardap shekken eki adam da komada jatty.
Qazir 25 jastaǵy jigit jasandy tynys alý apparatynan alynyp, óz betinshe tynys ala bastady. Patsienttiń jai kúiiniń jaqsarǵany baiqalady.
Al 42 jastaǵy adam óte aýyr halde jatyr. Ol ázirge jasandy tynys alý apparatyna qosylǵan.
Esterińizge sala keteiik, Almatyda Naýryzbai aýdandyq HQKO qyzmetkeri Erjan Ábdirazaqov káriz qudyǵynda gazǵa tunshyǵyp qalǵan eki jigitti aman alyp shyqqan bolatyn.
Kásiporyn bul oqiǵaǵa bailanysty túsinik berdi.
«1 maýsymda «Almaty sý» kásipornynyń ótim qyzmetiniń qyzmetkerleri kommertsiialyq uiymdardyń sý esepteý quralyn teksermek bolǵan. Qyzmetkerler qatelesip sýdyń emes, káriz júiesiniń qaqpaǵyn ashyp qaraǵan. Sonyń kesirinen gazben ýlanǵan. Qazir kásiporynda qyzmettik tekserý júrip jatyr. Negizinde «Almaty sý» qyzmetkerleri esepteý quraldarynyń kórsetkishin tirkeýmen ǵana ainalysýy tiis. Qudyqtarǵa túsý múlde olardyń mindetine kirmeidi», - dedi «Almaty sý» MKK.
