«Qazaqstan barysy» týrniriniń alǵashqy jeńimpazy, kazaq kúresinen kúmis kýbok iegeri Ulan Rysqul Almaty oblysyndaǵy sailaý ýchaskeleriniń birinde daýys berdi, dep habarlaidy "Ult aqparat".
«Men óz elimniń damýy turaqty jáne gúldengen bolashaǵyn qoldaimyn. Divanda otyryp, siz Qazaqstannyń bolashaǵyna áser ete almaisyz jáne eldi jaqsy jaǵyna qarai ózgertpeisiz. Qazaqstandyqtardyń jaǵdaiyn jaqsartýǵa ózińiz bir qadam jasamai, memleketimizde eshteńe ózgermeitinine shaǵymdanýdyń qajeti joq dep oilaimyn. Qazaqstan gúldenip jatyr, biz beibit ýaqytta ómir súrip jatyrmyz. Biz óz bolashaǵymyzdy ózimiz tańdaimyz. Sondyqtan da óz tańdaýymyzdy jasaý qajet», - dedi Ulan Rysqulov.
Esterińizge sala keteiik, 10 qańtarda ótip jatqan Májilis sailaýyna bes saiasi partiia qatysýda. Olardan 312 kandidat daýysqa túsedi.
Saǵat 16.00-de Almaty oblysy boiynsha sailaýshylardyń daýys berý kórsetkishi 58% boldy.
