Foto: Aqorda
Qasym-Jomart Toqaev Bishkekte ótip jatqan Ujymdyq qaýipsizdik sharty uiymy Ujymdyq qaýipsizdik keńesiniń kezekti otyrysyna qatysty, dep habarlaidy Ult.kz.
Sammitke Qyrǵyz Respýblikasynyń Prezidenti Sadyr Japarov, Belarýs Respýblikasynyń Prezidenti Aleksandr Lýkashenko, Resei Federatsiiasynyń Prezidenti Vladimir Pýtin, Tájikstan Respýblikasynyń Prezidenti Emomali Rahmon qatysty.
Memleketter basshylary halyqaralyq jáne óńirlik qaýipsizdiktiń ózekti máseleleri jóninde pikir almasty.
Osydan keiin resmi delegatsiia músheleri UQShU Ujymdyq qaýipsizdik keńesiniń keńeitilgen quramdaǵy otyrysyna qatysty.
Qazaqstan, Belarýs, Qyrǵyzstan, Resei jáne Tájikstan kóshbasshylary Uiymǵa múshe elderdiń ujymdyq qaýipsizdigin qamtamasyz etýdiń ózekti máselelerin qarastyryp, biylǵy UQShU jumysynyń negizgi baǵyttaryn qorytyndylady. Sondai-aq aldaǵy kezeńge arnalǵan basymdyqtardy anyqtady.
Prezidentter UQShU Bas hatshysy laýazymyndaǵy qyzmetin aiaqtap jatqan Imanǵali Tasmaǵambetovke alǵys aitty.
Jiyn barysynda 2026 jylǵy 1 qańtardan bastap UQShU Bas hatshysy qyzmetine úsh jyl merzimge Qyrǵyz Respýblikasynyń ókili Taalatbek Masadykovty taǵaiyndaý týraly sheshim bekitildi.
Otyrys qorytyndysy boiynsha Ujymdyq qaýipsizdik keńesiniń deklaratsiiasy qabyldandy. Sondai-aq Uiymǵa múshe memleketterdiń múddesine sai ujymdyq qaýipsizdik júiesin jan-jaqty jetildirýge baǵyttalǵan birqatar qujatqa qol qoiyldy.
