Biylǵy jyldyń 9-10 naýryzy kúnderi Ujymdyq qaýipsizdik shart uiymynyń (UQShU) Bas hatshysy Stanislav Zas Qazaqstanǵa keledi, dep habarlaidy "Ult aqparat".
UQShU-nyń baspasóz hatshysy Vladimir Zainetdinovtyń aitýynsha, sapar barysynda Stanislav Zas Qorǵanys jáne Syrtqy ister ministrlerimen, sondai-aq QR Qaýipsizdik Keńesiniń hatshysymen kezdesedi.
UQShU-nyń Bas hatshysyn QR Prezidenti Qasym-Jomart Toqaev ta qabyldamaq.
Kezdesýler barysynda Stanislav Zas Ujymdyq qaýipsizdik keńesi sessiiasynyń sheshimderin (2020 jyeltoqsanynda) júzege asyrý aiasynda josparlanǵan is-sharalar men uiymǵa 2021 jyly tóraǵalyǵy barysynda Tájikstan usynǵan basym baǵyttardy oryndaý jumystary týraly aitady.
Sonymen qatar, Ortalyq Aziia óńirindegi ujymdyq qaýipsizdikke qatysty, UQShU-na múshe elderdiń syrtqy saiasatyn úilestirý máseleleri sóz bolady. Taraptar sáýir-mamyr ailary aralyǵynda ótetin jarǵylyq organdardyń kezekti májilisterine daiyndyq máselesin talqylaidy.
