Qorǵanys ministrligi Qazaqstanǵa kelip jatqan Ujymdyq qaýipsizdik týraly shart uiymyna (UQShU) múshe elderdiń áskeri tehnikalaryna qatysty túsinik berdi, dep habarlaidy "Ult aqparat".
"Budan buryn habarlanǵandai, 26 qyrkúiek pen 8 qazan aralyǵynda Jambyl, Almaty oblystarynda UQShU-nyń ujymdyq jedel den qoiý kúshteriniń "Ózara is-qimyl-2022", "Izdeý-2022", "Eshelon-2022" oqý-jattyǵýlary ótip jatyr.
Osyǵan bailanysty elimizge Uiymǵa múshe memleketterdiń áskeri kontingentteri keledi. Áskeri tehnikanyń qozǵalysy temirjol, áýe kólikterimen jáne dóńgelekti tehnikamen júzege asyrylady.
Bul turǵyda azamattardy áleýmettik jelilerde taralatyn túrli qaýesetterge ermeýge, tek resmi aqparat kózderine senýge shaqyramyz" - delingen vedomstvo habarlamasynda.
