Ýkrainadaǵy baqsy-balgerler soǵys kezinde de qol qýsyryp otyrǵan joq. Olar Resei áskerilerin qarǵap-silep, duǵa oqyp, yrym-joralǵylaryn jasap, teris bata berip jatyr, dep jazady halyq-uni.kz saity.
Mysaly, keshe Elena Stetsenko degen ekstrasens, baqsy-balger, belgili molfar Reseidiń ofitserleri men soldattaryna ólim tilep, yrym-joralǵylaryn jasaǵan.
"Biz ózimizdiń azamattarymyz úshin kek alamyz. Bizdiń elge soǵys ashyp, qarý asynyp kelgen eshkim tiri qaitpaidy", – dedi ol.
Buǵan deiin ol Resei áskeriniń shabýyldary sáýir aiynyń ortasyna deiin bolatynyn, sol kezden bastap Ýkrainanyń qarýly kúshteri qarsy shabýylǵa shyǵyp, mamyr aiynyń sońynda jaýdy Reseidiń shekarasyna deiin qýyp tastaitynyn aitqan bolatyn.
"30-31 mamyrda soǵys bitedi. Ýkraina jeńedi", – dedi ol.
Sonymen birge ýkrainnyń taǵy bir belgili molfary Orest Stafiichýk te Reseidiń bolashaǵyna boljam jasap, ol eldi ydyraý kútip turǵanyn aitqan edi.
Eger Ýkrainadaǵy qazirgi jaǵdai jalǵasa beretin bolsa, Reseidi sumdyq kúireý, daǵdarys, kúizelis, ashtyqtan týatyn kóterilis kútip tur. Onyń sońy eldiń birneshe bólikke bólinip ketýine ákelip soǵýy múmkin, – dedi Stafiichýk.
Molfar (ýkrain sózi) – qabiletteri bar kóripkel, emshi, táýip adam. Ol óziniń duǵasy men tilegin paidalanyp, emshilikpen de ainalysady. Shópterdiń dári-dármektik qasietterin de óte jaqsy biledi.
