ۋكرايناداعى باقسى-بالگەرلەر سوعىس كەزٸندە دە قول قۋسىرىپ وتىرعان جوق. ولار رەسەي ەسكەريلەرٸن قارعاپ-سٸلەپ, دۇعا وقىپ, ىرىم-جورالعىلارىن جاساپ, تەرٸس باتا بەرٸپ جاتىر, دەپ جازادى halyq-uni.kz سايتى.
مىسالى, كەشە ەلەنا ستەتسەنكو دەگەن ەكستراسەنس, باقسى-بالگەر, بەلگٸلٸ مولفار رەسەيدٸڭ وفيتسەرلەرٸ مەن سولداتتارىنا ٶلٸم تٸلەپ, ىرىم-جورالعىلارىن جاساعان.
"بٸز ٶزٸمٸزدٸڭ ازاماتتارىمىز ٷشٸن كەك الامىز. بٸزدٸڭ ەلگە سوعىس اشىپ, قارۋ اسىنىپ كەلگەن ەشكٸم تٸرٸ قايتپايدى", – دەدٸ ول.
بۇعان دەيٸن ول رەسەي ەسكەرٸنٸڭ شابۋىلدارى سەۋٸر ايىنىڭ ورتاسىنا دەيٸن بولاتىنىن, سول كەزدەن باستاپ ۋكراينانىڭ قارۋلى كٷشتەرٸ قارسى شابۋىلعا شىعىپ, مامىر ايىنىڭ سوڭىندا جاۋدى رەسەيدٸڭ شەكاراسىنا دەيٸن قۋىپ تاستايتىنىن ايتقان بولاتىن.
"30-31 مامىردا سوعىس بٸتەدٸ. ۋكراينا جەڭەدٸ", – دەدٸ ول.
سونىمەن بٸرگە ۋكرايننىڭ تاعى بٸر بەلگٸلٸ مولفارى ورەست ستافييچۋك تە رەسەيدٸڭ بولاشاعىنا بولجام جاساپ, ول ەلدٸ ىدىراۋ كٷتٸپ تۇرعانىن ايتقان ەدٸ.
ەگەر ۋكرايناداعى قازٸرگٸ جاعداي جالعاسا بەرەتٸن بولسا, رەسەيدٸ سۇمدىق كٷيرەۋ, داعدارىس, كٷيزەلٸس, اشتىقتان تۋاتىن كٶتەرٸلٸس كٷتٸپ تۇر. ونىڭ سوڭى ەلدٸڭ بٸرنەشە بٶلٸككە بٶلٸنٸپ كەتۋٸنە ەكەلٸپ سوعۋى مٷمكٸن, – دەدٸ ستافييچۋك.
مولفار (ۋكراين سٶزٸ) – قابٸلەتتەرٸ بار كٶرٸپكەل, ەمشٸ, تەۋٸپ ادام. ول ٶزٸنٸڭ دۇعاسى مەن تٸلەگٸن پايدالانىپ, ەمشٸلٸكپەن دە اينالىسادى. شٶپتەردٸڭ دەرٸ-دەرمەكتٸك قاسيەتتەرٸن دە ٶتە جاقسى بٸلەدٸ.
