Ýkrainanyń tuńǵysh prezidenti Leonid Kravchýk 10 mamyrda 89 jasynda qaitys boldy, - dep habarlaidy Tengrinews.kz agenttigi "Ýkrainskie novosti" saityna silteme jasap.
Saiasatker uzaq aýrýdan keiin Kiev ýaqyty boiynsha saǵat 17:00-de qaitys bolǵan.
Kravchýk 1991 jyldyń 5 jeltoqsanynan 1994 jyldyń 19 shildesine deiin Ýkraina prezidenti bolǵan. Sondai-aq, ol 2020 jyldyń 28 shildesi men 2022 jyldyń 21 aqpany aralyǵynda Donbasstaǵy jaǵdaidy retteý jónindegi bailanys tobynyń tóraǵasy qyzmetin atqardy.
Prezidenttik merzimi aiaqtalǵannan keiin Kravchýk 12 jyl boiy Joǵarǵy Radanyń depýtaty bolǵan. 2015 jyldan beri "NATO-daǵy Ýkraina úshin qozǵalys" qoǵamdyq uiymyn basqarǵan.
2021 jylǵy maýsymda Kravchýkke ota jasalyp, Ýkrainanyń burynǵy prezidentiniń jaǵdaiy aýyr dep baǵalandy. Ol ózdiginen dem ala almai, jasandy tynys alý apparatyna qosylǵan. Qyrkúiekte Kravchýk Germaniiaǵa ońaltýǵa jiberilgen.
