ۋكراينانىڭ تۇڭعىش پرەزيدەنتٸ لەونيد كراۆچۋك 10 مامىردا 89 جاسىندا قايتىس بولدى, - دەپ حابارلايدى Tengrinews.kz اگەنتتٸگٸ "ۋكراينسكيە نوۆوستي" سايتىنا سٸلتەمە جاساپ.
ساياساتكەر ۇزاق اۋرۋدان كەيٸن كيەۆ ۋاقىتى بويىنشا ساعات 17:00-دە قايتىس بولعان.
كراۆچۋك 1991 جىلدىڭ 5 جەلتوقسانىنان 1994 جىلدىڭ 19 شٸلدەسٸنە دەيٸن ۋكراينا پرەزيدەنتٸ بولعان. سونداي-اق, ول 2020 جىلدىڭ 28 شٸلدەسٸ مەن 2022 جىلدىڭ 21 اقپانى ارالىعىندا دونباسستاعى جاعدايدى رەتتەۋ جٶنٸندەگٸ بايلانىس توبىنىڭ تٶراعاسى قىزمەتٸن اتقاردى.
پرەزيدەنتتٸك مەرزٸمٸ اياقتالعاننان كەيٸن كراۆچۋك 12 جىل بويى جوعارعى رادانىڭ دەپۋتاتى بولعان. 2015 جىلدان بەرٸ "ناتو-داعى ۋكراينا ٷشٸن قوزعالىس" قوعامدىق ۇيىمىن باسقارعان.
2021 جىلعى ماۋسىمدا كراۆچۋككە وتا جاسالىپ, ۋكراينانىڭ بۇرىنعى پرەزيدەنتٸنٸڭ جاعدايى اۋىر دەپ باعالاندى. ول ٶزدٸگٸنەن دەم الا الماي, جاساندى تىنىس الۋ اپپاراتىنا قوسىلعان. قىركٷيەكتە كراۆچۋك گەرمانيياعا وڭالتۋعا جٸبەرٸلگەن.
