Grýziia Eýroodaqqa qosylýǵa ótinishti 3 naýryzda tapsyrýdy josparlap otyr.
Basqarýshy "Grýzin armany" partiiasynyń tóraǵasy Irakli Kobahidze 2 naýryz kúngi baspasóz máslihaty kezinde partiianyń "Grýziia Eýroodaqqa qosylýǵa ótinishti dereý tapsyrý qajet" degen uiǵarymǵa kelgenin aitty.
Bastapqyda Grýziia ótinishti 2024 jyly tapsyrýdy josparlaǵan, biraq sońǵy jaǵdaiǵa bailanysty ótinish tapsyrý kezeńin jedeldetýdi uiǵarǵan.
Kobahidze sársenbi kúni Eýroodaqty Grýziianyń ótinishin jyldam qaraýǵa shaqyrdy.
Aita keteiik, Resei basqynshylyǵyna ushyraǵan Ýkraina osy aptada Eýroodaqqa qosylýǵa ótinish bildirip, Eýroparlament Ýkrainaǵa úmitker memleket degen mártebe berý jónindegi rezoliýtsiiany qoldaǵan.
2 naýryzda Ýkraina prezidenti Vladimir Zelenskii Eýropa keńesiniń jetekshisi Sharl Mishelmen telefon arqyly sóilesip, Ýkrainadaǵy ahýal men diplomatiialyq is-qimyldardy talqylaǵanyn málimdegen. Kiev "Ýkrainany EO-ǵa múshelikke qabyldaý máselesinde jaqsy jańalyq kútip otyr" dedi Zelenskii.
Ýkraina syrtqy ister ministri Dmitrii Kýlebanyń aitýynsha, Kiev odaqqa qosylý boiynsha qujattardy neǵurlym tezirek aiaqtaýǵa kúsh salǵanmen barlyǵy Eýroodaqtyń saiasi sheshimine táýeldi.
Odaqqa qosylý protsesi ádette jyldarǵa sozylady jáne ol úshin birqatar qatań sharttardy oryndaý qajet. Quramyna 27 memleket kiretin odaqqa jańa múshe qabyldaý boiynsha daýys berý qupiia ótedi.
