Ýkrainada júrgen Qazaqstannyń 76 azamaty búgin elge oraldy. Bul týraly QR Syrtqy ister ministrliginen málim etti, dep habarlaidy "Ult aqparat".
«Koronavirýs infektsiiasynyń jyldam taraýyna bailanysty azamattarymyzdy shet elderden qaitarý jónindegi is-sharalar aiasynda 27 naýryzda Ýkrainadan Qazaqstanǵa taǵy 76 otandasymyz sátti oraldy», - delingen vedomstvo aqparatynda.
Ministrlik málimetinshe, Qazaqstanyń Ýkrainadaǵy Elshiliginiń diplomattary osyndai nátijege qol jetkizý úshin aýqymdy jumys atqaryp, azamattarymyzdyń tizimin ázirlegen. Sonymen qatar «Kiev – Almaty – Kiev» baǵytynda charterlik reis uiymdastyrý úshin tiimdi áýekompaniiany anyqtaý, qazirgi álemdegi qiyn jaǵdaida logistika máselesin sheshý jáne basqa da kóptegen uiymdastyrý sharalaryn júzege asyrǵan.
«Ýkrainadaǵy diplomattarymyzǵa azamattarymyzdyń igiligi úshin qajyrly eńbek etip, qoiylǵan mindetterdi adal oryndaǵany, sondai-aq QR SIM jedel shtabyndaǵy áriptesterimizge búkil álem boiynsha elshilikter qyzmetkerleriniń jumysyn tiimdi úilestirgeni úshin alǵys bildiremiz», - dep atap ótedi ministrlikten.
