Ýkrainadaǵy oqiǵalar aiasynda áleýmettik-ekonomikalyq jaǵdaidy turaqtandyrý úshin Daǵdarysqa qarsy sharalar jónindegi jedel shtabtyń jumysy jolǵa qoiyldy. Bul týraly Úkimet otyrysynda QR Ulttyq ekonomika ministri Álibek Qýantyrov málim etti, dep habarlaidy QazAqparat.
«Ýkrainada bolyp jatqan oqiǵalar aiasynda áleýmettik-ekonomikalyq jaǵdaidy turaqtandyrý maqsatynda memlekettik organdardyń, «Atameken» ulttyq kásipkerler palatasynyń, biznes jáne sarapshylar qaýymdastyǵy ókilderiniń qatysýymen Daǵdarysqa qarsy sharalar jónindegi jedel shtabtyń jumysy jolǵa qoiyldy.
Jedel shtabtyń aiasynda kólik jáne logistika, infraqurylym, saýda jáne qarjylyq ornyqtylyq boiynsha jumys toptary uiymdastyryldy», -dedi Álibek Qýantyrov.
Sondai-aq, ol jumys toptarynyń ózara is-qimylynyń belgili bir algoritmine sáikes kázirgi oqiǵalardyń syrtqy ekonomikalyq jaǵdaiǵa saldaryn kúndelikti monitoringteý negizinde elimizdiń ekonomikasyna olardyń yqpalynyń stsenariileri ázirlenip jatqanyn aitty. Osy aqparat negizinde jedel den qoiý sharalary ázirlenedi.
«Memleket basshysynyń tapsyrmasyn oryndaý maqsatynda Ulttyq ekonomika ministrligi daǵdarysqa qarsy baǵdarlamany iske asyrýdy bastady.
Qazirgi ýaqytta Ministrlik jaýapty memlekettik organdarmen naqty usynystardy pysyqtaýda.
Ulttyq ekonomika ministrligi Memleket basshysynyń Qazaqstan halqyna joldaýynda bergen árbir tapsyrmasyn tolyq ári jedel pysyqtaityn bolady.
Joldaýdy tiimdi iske asyrý úshin Ministrliktiń jumysy biýrokratiiany boldyrmaý jáne nátijege baǵdarlaný qaǵidattarynda júrgiziletin bolady», - dedi ministr.
