QR Premer-Ministriniń orynbasary – Syrtqy ister ministri Muhtar Tileýberdi Reseige qarsy sanktsiialar Qazaqstan-Majarstan qarym-qatynasyna qalai áser etkenin aitty, dep habarlaidy QazAqparat.
«Shynymen de Reseige qarsy sanktsiialar jahan ekonomikasyna da, jekelegen elderdiń ekonomikasyna da áser etip otyr. Sonyń ishinde Majarstanmen aradaǵy saýda-ekonomikalyq qarym-qatynasymyzda da belgili bir qiyndyqtar sezip otyrmyz. Bárinen buryn bul - tranzitke, taýar tasymalyna bailanysty qiyndyqtar», - dedi Muhtar Tileýberdi Syrtqy ister ministrliginde ótken brifingide.
Onyń aitýyna qaraǵanda, eki el arasynda áýe qatynasynda da kidirister bar.
«Sondai-aq, eki eldiń astanalaryn bailanystyryp turǵan Wizz Air áýe kompaniiasynyń tikelei reisteri ýaqytsha toqtatylǵan edi. Munyń bári tikelei Ýkrainadaǵy jaǵdaiǵa bailanysty. Áriptesimniń Qazaqstanǵa jasap otyrǵan saparynyń bir maqsaty - ekijaqty áriptestikti ári qarai damytýdyń jańa joldaryn, jańa múmkindikterin tabý dep oilaimyn», - dedi Syrtqy ister ministri.
