Ýkrainadaǵy jaǵdai eldegi dári-dármek tapshylyǵyn týǵyzbai ma? QR Densaýlyq saqtaý ministri Ajar Ǵiniiatqa Atyraý oblysynyń Óńirlik kommýnikatsiialar qyzmetinde ótip jatqan baspasóz máslihatynda osyndai suraq qoiyldy, dep habarlaidy QazAqparat.
«Bizge Ýkraina, Belarýs, Resei Federatsiiasynan dárilerdiń basym bóligi keledi dep aita almaimyn. Jalpy dárilerdiń 70 paiyzyn shetelden alamyz. Mysaly, Reseiden 2 paiyz, Ýkrainadan 2 paiyz, Belarýsten 0,03 paiyz dári-dármek keledi eken.
Búgigi tańda «SQ-Farmatsiia» osy jylǵa kerek dári-dármektiń 93 paiyzyn alyp qoiǵan. Olardyń 50 paiyzynan artyǵy qoimalarymyzda, medinialyq uiymdarǵa túsip jatyr.
Saiasatqa bailanysty, bolyp jatqan jaǵdailarǵa bailanysty, dollardyń ósýine bailanysty ministrlik tarapynan Úkimetpen birlesip jaǵdailardy qaraimyz. Byltyr qol qoiylǵan kelisimshart boiynsha dári-dármekter túsýde. Sol Reseiden de, Belarýs elinen de qazir 60 paiyzy kelgen. Qalǵan 40 paiyzy ári qarai qalai bolatyny týraly kelissózder júrip jatyr. Ýrainadan eki-aq paiyz dári-dármek alatynymyzdy aityp kettim. Tegin beriletin ambýlatoriialyq dárilerdiń ishinde 11 túrin, statsionarlarǵa qajet dáriniń 8 túrin alatynbyz. Sol dári-dármekterdi Ýkraina jaǵynan qalai jetkiziletini týraly kelissózder júrip jatyr», - dedi ministr.
Onyń aitýynsha, bul máseleniń bári vedomstvonyń baqylaýynda.
«Sońǵy jyldary elimizde dári-dármek boiynsha nemese aýrýhanalarda, emhanalarda eshqandai problemalar bolǵan joq. «SQ-Farmatsiianyń qoimasyndaǵy dári-dármekterden basqa barlyq óńirlerdiń ákimdikteri turaqtandyrý qoryn qurdy. Keibir óńirler qazir 1 mlrd teńgeden astam aqshanyń dári-dármegin ustap otyr. Keshegi vedomstvoaralyq komissiianyń otyrysynda sol jinap otyrǵan dári-dármekterdi jańartyp, tolyqtyryp, qazirgi jaǵdaiǵa bailanysty ári qarai damyta berý týraly sheshim qabyldandy. Ministrlik qazir tizim ázirlep jatyr. Sol tizim boiynsha elimizden dári-dármekti syrtqa shyǵarýǵa bolmaidy degen buiryq ázirlep jatyrmyz. Munyń bári halyqty dári-dármekpen qamtamasyz etý jolynda jasalyp jatqan sharalar», - dedi Ajar Ǵiniiat.
