ۋكرايناداعى جاعداي ەلدەگٸ دەرٸ-دەرمەك تاپشىلىعىن تۋعىزباي ما? قر دەنساۋلىق ساقتاۋ مينيسترٸ اجار عينيياتقا اتىراۋ وبلىسىنىڭ ٶڭٸرلٸك كوممۋنيكاتسييالار قىزمەتٸندە ٶتٸپ جاتقان باسپاسٶز مەسليحاتىندا وسىنداي سۇراق قويىلدى, دەپ حابارلايدى قازاقپارات.
«بٸزگە ۋكراينا, بەلارۋس, رەسەي فەدەراتسيياسىنان دەرٸلەردٸڭ باسىم بٶلٸگٸ كەلەدٸ دەپ ايتا المايمىن. جالپى دەرٸلەردٸڭ 70 پايىزىن شەتەلدەن الامىز. مىسالى, رەسەيدەن 2 پايىز, ۋكراينادان 2 پايىز, بەلارۋستەن 0,03 پايىز دەرٸ-دەرمەك كەلەدٸ ەكەن.
بٷگٸگٸ تاڭدا «سق-فارماتسييا» وسى جىلعا كەرەك دەرٸ-دەرمەكتٸڭ 93 پايىزىن الىپ قويعان. ولاردىڭ 50 پايىزىنان ارتىعى قويمالارىمىزدا, مەدينيالىق ۇيىمدارعا تٷسٸپ جاتىر.
ساياساتقا بايلانىستى, بولىپ جاتقان جاعدايلارعا بايلانىستى, دوللاردىڭ ٶسۋٸنە بايلانىستى مينيسترلٸك تاراپىنان ٷكٸمەتپەن بٸرلەسٸپ جاعدايلاردى قارايمىز. بىلتىر قول قويىلعان كەلٸسٸمشارت بويىنشا دەرٸ-دەرمەكتەر تٷسۋدە. سول رەسەيدەن دە, بەلارۋس ەلٸنەن دە قازٸر 60 پايىزى كەلگەن. قالعان 40 پايىزى ەرٸ قاراي قالاي بولاتىنى تۋرالى كەلٸسسٶزدەر جٷرٸپ جاتىر. ۋراينادان ەكٸ-اق پايىز دەرٸ-دەرمەك الاتىنىمىزدى ايتىپ كەتتٸم. تەگٸن بەرٸلەتٸن امبۋلاتورييالىق دەرٸلەردٸڭ ٸشٸندە 11 تٷرٸن, ستاتسيونارلارعا قاجەت دەرٸنٸڭ 8 تٷرٸن الاتىنبىز. سول دەرٸ-دەرمەكتەردٸ ۋكراينا جاعىنان قالاي جەتكٸزٸلەتٸنٸ تۋرالى كەلٸسسٶزدەر جٷرٸپ جاتىر», - دەدٸ مينيستر.
ونىڭ ايتۋىنشا, بۇل مەسەلەنٸڭ بەرٸ ۆەدومستۆونىڭ باقىلاۋىندا.
«سوڭعى جىلدارى ەلٸمٸزدە دەرٸ-دەرمەك بويىنشا نەمەسە اۋرۋحانالاردا, ەمحانالاردا ەشقانداي پروبلەمالار بولعان جوق. «سق-فارماتسييانىڭ قويماسىنداعى دەرٸ-دەرمەكتەردەن باسقا بارلىق ٶڭٸرلەردٸڭ ەكٸمدٸكتەرٸ تۇراقتاندىرۋ قورىن قۇردى. كەيبٸر ٶڭٸرلەر قازٸر 1 ملرد تەڭگەدەن استام اقشانىڭ دەرٸ-دەرمەگٸن ۇستاپ وتىر. كەشەگٸ ۆەدومستۆوارالىق كوميسسييانىڭ وتىرىسىندا سول جيناپ وتىرعان دەرٸ-دەرمەكتەردٸ جاڭارتىپ, تولىقتىرىپ, قازٸرگٸ جاعدايعا بايلانىستى ەرٸ قاراي دامىتا بەرۋ تۋرالى شەشٸم قابىلداندى. مينيسترلٸك قازٸر تٸزٸم ەزٸرلەپ جاتىر. سول تٸزٸم بويىنشا ەلٸمٸزدەن دەرٸ-دەرمەكتٸ سىرتقا شىعارۋعا بولمايدى دەگەن بۇيرىق ەزٸرلەپ جاتىرمىز. مۇنىڭ بەرٸ حالىقتى دەرٸ-دەرمەكپەن قامتاماسىز ەتۋ جولىندا جاسالىپ جاتقان شارالار», - دەدٸ اجار عينييات.
