Jeksenbide Reseidiń Riazan qalasynyń ortalyq avtovokzalynda er adam óz-ózin órtep jibergen. Ot qoiar aldynda Ýkrainadaǵy soǵysqa barǵysy kelmeitinin aityp aiqailaǵan. Bul jóninde Riazannyń ya62.ru portaly jazǵan, dep habarlaidy Azattyq.
Kýágerler sózinshe, "otqa oranǵan er adam vokzal mańynda júgirip, aiqailaǵan". Órtengen adamdy jedel járdem áketkeni videodan kórinedi.
Quqyq qorǵaý organdary bul jaitqa bailanysty pikir bildirýden bas tartqan. Tótenshe jaǵdailar qyzmeti habar túspegenin aitqan.
21 qyrkúiekte Resei prezidenti Vladimir Pýtin Ýkrainadaǵy áskerin kúsheitý maqsatynda ishinara mobilizatsiia jariialaǵan. Osydan keiin Reseide áskeri komissariattar men ákimshilik ǵimarattardy órteý kóbeiip, narazylyq aktsiialary kúsheigen. Reseidiń áskerge jaramdy myńdaǵan adamy shetelge qashyp, bir bóligi Qazaqstanǵa kelgen.
