جەكسەنبٸدە رەسەيدٸڭ ريازان قالاسىنىڭ ورتالىق اۆتوۆوكزالىندا ەر ادام ٶز-ٶزٸن ٶرتەپ جٸبەرگەن. وت قويار الدىندا ۋكرايناداعى سوعىسقا بارعىسى كەلمەيتٸنٸن ايتىپ ايقايلاعان. بۇل جٶنٸندە ريازاننىڭ ya62.ru پورتالى جازعان, دەپ حابارلايدى ازاتتىق.
كۋەگەرلەر سٶزٸنشە, "وتقا ورانعان ەر ادام ۆوكزال ماڭىندا جٷگٸرٸپ, ايقايلاعان". ٶرتەنگەن ادامدى جەدەل جەردەم ەكەتكەنٸ ۆيدەودان كٶرٸنەدٸ.
قۇقىق قورعاۋ ورگاندارى بۇل جايتقا بايلانىستى پٸكٸر بٸلدٸرۋدەن باس تارتقان. تٶتەنشە جاعدايلار قىزمەتٸ حابار تٷسپەگەنٸن ايتقان.
21 قىركٷيەكتە رەسەي پرەزيدەنتٸ ۆلاديمير پۋتين ۋكرايناداعى ەسكەرٸن كٷشەيتۋ ماقساتىندا ٸشٸنارا موبيليزاتسييا جارييالاعان. وسىدان كەيٸن رەسەيدە ەسكەري كوميسسارياتتار مەن ەكٸمشٸلٸك عيماراتتاردى ٶرتەۋ كٶبەيٸپ, نارازىلىق اكتسييالارى كٷشەيگەن. رەسەيدٸڭ ەسكەرگە جارامدى مىڭداعان ادامى شەتەلگە قاشىپ, بٸر بٶلٸگٸ قازاقستانعا كەلگەن.
