Ýkrainanyń Ortalyq sailaý komissiiasy prezident sailaýyndaǵy biýlletenderdiń 100 paiyzyn óńdedi. Ekinshi týrǵa shoýmen Vladimir Zelenskii men qazirgi memleket basshysy Petr Poroshenko ótti, dep habarlaidy Ýkrainform.
Aqparattar OSK saitynda jariialanǵan.
Esepteýlerge sáikes, Vladimir Zelenskii kósh bastap tur. Oǵan sailaýshylardyń 30,24% daýys bergen. Petr Poroshenko 15,95% daýys jinady.
Iýliia Timoshenkony elektorattyń 13,40%, Iýrii Boikony - 11,67%, Anatolii Gritsenkony - 6,91%, Igor Smeshkony - 6,04%, Oleg Liashkony - 5,48%, Aleksandr Vilkýldy - 4,15%, Rýslan Koshýlinskiidi - 1,62% sailaýshy qoldaǵan.
Ýkrainada daýys berýge qatysqan sailaýshylar sany - 18 893 879.
Eske salaiyq, 31 naýryz kúni Ýkrainada prezident sailaýynyń birinshi týry ótti.
Buǵan deiin elektrondyq hattamalardyń 97,41 paiyzy óńdelgenin habarlaǵan bolatynbyz.
