QR Syrtqy ister ministrligi Qazaqstan azamattaryn Ýkrainadan elimizge oralýyn uiymdastyrý boiynsha jumysty jalǵastyrýda, dep habarlaidy QazAqparat.
Ýkrainadaǵy QR azamattarynyń ótinishteri úshin Qazaqstannyń Kievtegi Elshiliginde, sondai-aq QR SIM-de «jedel jeli» ashyldy.
Sondai-aq, Dnepr, Lvov, Odessa jáne Harkov qalalaryndaǵy QR Qurmetti konsýldary jumyldyryldy. Bul keshendi jumysqa Polsha, Moldova men Belarýstegi bizdiń sheteldik mekemelerimiz de qosyldy.
Búgingi kúni evakýatsiialaýǵa kómek kórsetý týraly 528 ótinish kelip tústi. Qazaqstan azamattary negizinen Ýkrainanyń kelesi óńirlerinde turady: Kiev qalasy men Kiev oblysynda - 264 adam, Odessa oblysynda - 30, Harkov oblysynda - 18, Lvov oblysynda - 17, Dnepropetrovsk oblysynda - 13, Poltava oblysynda - 7, Cherkassk oblysynda - 4, Lýgansk oblysynda – 2, Ivano-Frankovsk oblysynda – 2, Jitomir oblysynda – 2 adam.
Qazirgi ýaqytta bizdiń azamattar avtokólikpen qazaqstandyq diplomattarmen birge Kiev jáne Lvov qalalarynan Polshanyń shekarasyna qarai jolǵa shyqty.
Varshavadaǵy bizdiń Elshilik jergilikti bilikpen birlesip, Qazaqstan azamattary úshin shekaradan Katovitse qalasynyń (Polsha) áýejaiyna jetý úshin «jasyl dáliz» qamtamasyz etedi. Repatriatsiialyq reistiń jolaýshylary Ýkraina-Polsha shekarasyn kedergisiz (vizasyz) kesip ótedi, sondai-aq mindetti karantinnen, PTR testterin tapsyrýdan jáne vaktsinatsiia pasporttaryn usynýdan bosatylady.
Alǵashqy repatriatsiialyq reis 26 aqpanda tańerteń ushady. Ushaq Katovitse qalasynyń áýejaiynan ushyp shyǵyp, Atyraý qalasyna tehnikalyq qonǵannan keiin Almaty qalasyna ushyp jetýi tiis.
Aldaǵy ýaqytta basqa da repatriatsiialyq reister uiymdastyrylady. Osyǵan bailanysty Ýkrainanyń ártúrli qalalaryndaǵy qazaqstandyqtardan Qazaqstan Respýblikasynyń Kievtegi Elshiligine habarlasýdy jáne óziniń ornalasqan jeri týraly habarlaýdy suraimyz. Múmkindik bolǵan jaǵdaida, Polsha shekarasyna deiin uiymdasqan túrde jetý úshin Lvov nemese Kiev qalalaryna óz betimen barýdy usynamyz.
Jol-kólik jaǵdaiynyń kúrdeli bolýyna jáne Ýkrainadaǵy áskeri áreketterdiń jalǵasýyna bailanysty bul qiyndyq týdyrý múmkin. Mundai jaǵdaida ózderińiz ornalasqan mekenderińizde qalýdy, QR Elshiligimen jáne Qurmetti konsýldyqtarymen únemi bailanysta bolýdy suraimyz. Jaǵdai anyqtalǵannan keiin bizdiń azamattarǵa barlyq qajetti kómek kórsetiledi.
