BUU Bas hatshysy Antoniý Gýterrish Ýkrainadaǵy áskeri áreketterdi tez arada toqtatýǵa jáne jaqyn bolashaqta beibit kelissózder júrgizýge múmkindik joq dep sanaidy. Ol bul málimdemeni sársenbide Venada BUU ishki konferentsiiasynyń ashylýy aldynda jasady, dep habarlaidy QazAqparat Euronews-ke silteme jasap.
Otyrysta Gýterrish Resei men Ýkraina arasyndaǵy dialogqa yqpal etýge tyrysyp jatqanyn atap ótti.
Onyń aitýynsha, BUU gýmanitarlyq máselelerge, onyń ishinde Mariýpoldan evakýatsiiaǵa erekshe nazar aýdaryp jatyr. Onda Qyzyl krestiń kómegimen júzdegen adam evakýatsiialandy.
«Bul soǵys máńgilik bolmaidy. Beibit kelissózder jasaityn kún týady», - dedi Gýterrish Aýstriia prezidenti Aleksandr Van der Bellenmen birlesken baspasóz máslihatynda.
«Men ony taiaý ýaqytta bolady dep oilamaimyn. Biraq bir nárse aitaiyn. Biz eshqashan berilmeimiz», - dedi BUU bas hatshysy.
Ol sondai-aq asharshylyqtyń taralýyna qatty alańdaitynyn aitty, óitkeni Ýkrainadaǵy soǵys álemniń ártúrli bólikterindegi azyq-túlik qaýipsizdigine qaýip tóndirip jatyr, dep jazdy Reuters.
