Ýkrainadaǵy Qazaqstan azamattary arasynda zardap shekkender joq. Bul týraly QR Syrtqy ister ministrliginiń resmi ókili Aibek Smadiiarov málim etti, dep habarlaidy QazAqparat.
«Ýkrainadaǵy áskeri qimyldar bastalǵanǵa deiin «Air Astana» ushaqtary turaqty reister jasap turdy. Azamattar kez-kelgen ýaqytta usha aldy, eshqandai kedergi bolǵan joq. Ýkrainanyń aspany ashyq boldy. Azamattardyń elden ketý múmkindigi de boldy. Biz qazaqstandyqtarǵa Ýkrainadan ketýińiz kerek dep buiyra almaimyz. Elde qala ma, kete me, ár azamat ózi sheshedi jáne biz osyǵan deiin de, aldaǵy ýaqytta da tek Ýkraina bergen resmi aqparatty taratatyn bolamyz», - dedi Aibek Smadiiarov ministrlikte ótken baspasóz máslihatynda.
Sondai-aq, ministrlik ókili qazaqstandyqtar arasynda zardap shekkender bar ma degen saýalǵa jaýap berdi.
«Baqytymyzǵa orai, zardap shekken azamattar joq. Ázirge bizge ondai aqparat kelip túspedi. Bári jaqsy bolady degen úmittemiz», - deidi ol.
