Sýret ashyq derekkózden alyndy
Ýkrainanyń jemqorlyqpen kúres jónindegi joǵarǵy soty Ádilet ministrliginiń eks-prezident Viktor Ianýkovichtiń barlyq múlkin tárkileý jónindegi aryzyn qanaǵattandyrdy, dep habarlaidy Azattyq.
Sot málimetinshe, Ianýkovichtiń Kiev túbindegi rezidentsiiasy, Sýholýedegi qonaq úi-meiramhana kesheni, Kievtiń Obolon jaǵalaýyndaǵy páteri, bank esepterindegi qarajaty (1 million dollardan asady), kásiporyndardaǵy úlesi, sonymen birge 537 mádeni qundy zaty (jalpy quny 18,7 mln eýro) tárkilendi. Olardyń arasynda kitaptar, ikonalar, sýretter, antikvar jihazdar, saǵattar, qumyralar, qylyshtar, qarýlar, tipti XIX ǵasyrdyń pýshkasy da bar.
Aita keteiik, Ianýkovich 2010-2014 jyldar aralyǵynda Ýkraina prezidenti boldy. 2014 jylǵy aqpanda Maidandaǵy narazylyq kezinde elden qashty; mundai ózgeris Qyrym anneksiiasyna, Donbastaǵy janjaldyń bastalýyna sebep boldy.
Ýkrainada Ianýkovichti "memleketti satty" dep aiyptady. Onyń ústinen basqa da aiyptar negizinde qylmystyq ister qozǵaldy. Aiyptardyń biri negizinde ony syrttai 13 jylǵa sottaǵan. Qazir Ianýkovich Reseide turady, kópten beri kópshilik aldyna shyqpaǵan.
