سۋرەت اشىق دەرەككٶزدەن الىندى
ۋكراينانىڭ جەمقورلىقپەن كٷرەس جٶنٸندەگٸ جوعارعى سوتى ەدٸلەت مينيسترلٸگٸنٸڭ ەكس-پرەزيدەنت ۆيكتور يانۋكوۆيچتٸڭ بارلىق مٷلكٸن تەركٸلەۋ جٶنٸندەگٸ ارىزىن قاناعاتتاندىردى, دەپ حابارلايدى ازاتتىق.
سوت مەلٸمەتٸنشە, يانۋكوۆيچتٸڭ كيەۆ تٷبٸندەگٸ رەزيدەنتسيياسى, سۋحولۋەدەگٸ قوناق ٷي-مەيرامحانا كەشەنٸ, كيەۆتٸڭ وبولون جاعالاۋىنداعى پەتەرٸ, بانك ەسەپتەرٸندەگٸ قاراجاتى (1 ميلليون دوللاردان اسادى), كەسٸپورىندارداعى ٷلەسٸ, سونىمەن بٸرگە 537 مەدەني قۇندى زاتى (جالپى قۇنى 18,7 ملن ەۋرو) تەركٸلەندٸ. ولاردىڭ اراسىندا كٸتاپتار, يكونالار, سۋرەتتەر, انتيكۆار جيھازدار, ساعاتتار, قۇمىرالار, قىلىشتار, قارۋلار, تٸپتٸ XIX عاسىردىڭ پۋشكاسى دا بار.
ايتا كەتەيٸك, يانۋكوۆيچ 2010-2014 جىلدار ارالىعىندا ۋكراينا پرەزيدەنتٸ بولدى. 2014 جىلعى اقپاندا مايدانداعى نارازىلىق كەزٸندە ەلدەن قاشتى; مۇنداي ٶزگەرٸس قىرىم اننەكسيياسىنا, دونباستاعى جانجالدىڭ باستالۋىنا سەبەپ بولدى.
ۋكراينادا يانۋكوۆيچتٸ "مەملەكەتتٸ ساتتى" دەپ ايىپتادى. ونىڭ ٷستٸنەن باسقا دا ايىپتار نەگٸزٸندە قىلمىستىق ٸستەر قوزعالدى. ايىپتاردىڭ بٸرٸ نەگٸزٸندە ونى سىرتتاي 13 جىلعا سوتتاعان. قازٸر يانۋكوۆيچ رەسەيدە تۇرادى, كٶپتەن بەرٸ كٶپشٸلٸك الدىنا شىقپاعان.
