video kadry
Donetsk oblysynyń Drýjkovka qalalyq soty 23 jastaǵy qazaqstandyq Shyńǵys Seipievti "Vagner" jasaǵynyń quramynda bolǵany úshin toǵyz jylǵa bas bostandyǵynan aiyrdy, - dep habarlaidy Massaget.kz.
Sot sheshimderi tizilimine sáikes, Shyńǵys Seipiev Soltústik Qazaqstan oblysy Taiynsha aýdany, Aqqudyq aýylynan.
Sot úkiminde Seipievtiń 2022 jylǵy qazanda Ýkrainadaǵy soǵysqa qatysý úshin "Vagner" quramyna arbap qosylǵany aitylǵan. Sol kezde ol Tiýmen qalasyndaǵy №2 túzeý koloniiasynda zorlaý qylmysy úshin 10 jyl jazasyn ótep jatqan. Keiin Rostov oblysyndaǵy oqý-jattyǵý lagerinde áskeri daiyndyqtan ótip, jeltoqsanda ózin-ózi jariialaǵan LHR qataryna túsken. 24 jeltoqsanda Seipiev Bahmýt aýdanynyń Iakovlevka aýylyna jiberilip, bir aptadan keiin, 30 jeltoqsanda Ýkraina Qarýly Kúshteriniń qolyna tutqynǵa alynǵan.
Ýkraina qaýipsizdik qyzmeti byltyr qazanda "Vagner" ókilderi Seipievke Ýkrainaǵa qarsy soǵysqa qatysý úshin reseilik jeke kompaniiaǵa qosylýdy usynǵanyn habarlady. Kelisimshart boiynsha oǵan 200 myń rýbl (shamamen 1,1 million teńge) jáne sottylyǵynyń kúshi joiyldy dep ýáde etilgen.
Tergeý barysynda Seipiev kinásin moiyndap, Ýkraina prokýratýrasymen yntymaqtastyqta bolǵany atap ótilgen. Kelisim boiynsha aiyptalýshy kinásin moiyndap, ókinip, basqa da qylmystardy ashýda yntymaqtasqan. Óz kezeginde ol 9 jylǵa bas bostandyǵynan aiyrylǵan.
