Foto: Tengrinews.kz/Álihan Sariev
Ýkrainada turatyn qazaqstandyq Ardaq Eshniiazova Qazaqstan azamattyǵynan aiyrylǵan. Aqtóbe oblysynyń Politsiia departamenti oqiǵany qyzmettik tekserýge kiristi, - dep habarlaidy Tengrinews.kz.
Ardaq Eshniiazovanyń týysy ZTB.KZ redaktsiiasyna hat jazǵan. Onyń aitýynsha, qyz azamattyqtan bas tartý týraly eshqandai qujat tapsyrmaǵan.
"Ol turmysqa shyqqan. Qazir Ýkrainada, belgili sebeptermen elimizge orala almaidy. Jaqynda Aqtóbe qalasyndaǵy kóshi-qon qyzmeti ony azamattyqtan zańsyz aiyrǵanyn bildik. Ol zańdy buzǵan joq, Qazaqstan azamattyǵynan bas tartqan joq, basqa da tólqujat rásimdeýge qujat tapsyrmady. Neniń negizinde? Biz barlyq jerge túsindirip, kómektesý úshin resmi túrde ótinish jiberdik, biraq jaýap joq. Qońyraýlarǵa eshkim jaýap bermeidi. Biz ol úshin qorqamyz, óitkeni Ýkrainada soǵys júrip jatyr. Kez kelgen adamǵa jeke qujattar kerek", - dep jazady qyzdyń týysy.
Aqtóbe oblysynyń Politsiia departamenti redaktsiiamyzǵa qazirgi ýaqytta qujattama júiesine túzetýler engizý sharalary júrgizilip jatqanyn habarlady.
"Qazirgi ýaqytta osy fakt boiynsha qyzmettik tekserý júrgizilip jatyr jáne QR azamattyǵyn joǵaltýdy joiý maqsatynda QR halqyn qujattandyrý jáne tirkeý júiesine túzetýdi júzege asyrý boiynsha sharalar qabyldanyp jatyr", - dedi PD ókili tilshige.
