Foto ©REUTERS
Syrtqy ister ministrligi Ýkrainada áli qansha qazaqstandyq bar ekenin jariialady, - dep habarlaidy Tengrinews.kz tilshisi.
Búginde diplomattar 822 qazaqstandyqtyń Ýkrainadan ketýine kómektesken, onyń ishinde 726 adam Polshaǵa, qalǵandary Moldova, Rýmyniia, Vengriia jáne Slovakiiaǵa ketken.
"Harkovtaǵy evakýatsiialaý pýnktinde úsh otandasymyz bar. Sýmy qalasynda turaqty bailanys ornatylǵan bir azamat bar. Qazaqstannyń Ýkrainadaǵy elshiligi málimetinshe, Mariýpoldegi qazaqstandyqtardyń jalpy sany - 18 adam. Elektr qýatynyń úzilýine jáne telefon bailanysyna qatysty olarmen habarlasý múmkin emes", - delingen habarlamada.
