Resei biligi Ýkrainadaǵy soǵysta Tájikstannyń Faizabad aýdanynda týyp-ósken 25 jastaǵy jaýyngerdiń qaza bolǵanyn málimdedi.
Týystarynyń aitýynsha, Alijon Safarov kóp jyldan beri orys armiiasynda qyzmet etken. Degenmen olar marqumnyń Ýkrainadaǵy soǵysqa attanǵanyn bilmegen.
Orys biligi taratqan málimetke qaraǵanda, Safarov 8 mamyrda qaza bolǵan. Ázirge onyń Ýkrainanyń qai jerinde qaitys bolǵany, súiegin Tájikstanǵa jetkizer-jetkizbesi belgisiz.
23 sáýirde Barnaýl qalasynda Tájikstanda týyp-ósken orys armiiasynyń 24 jastaǵy jaýyngeri Ábýbákir Nozimovtyń súiegi jer qoinaýyna tapsyrylǵan. Jakyndarynyń aitýynsha, ol Ýkrainadaǵy soǵysqa 15 aqpanda attanyp, 12 sáýirde Harkov qalasyn qorshaýǵa alý kezinde jelkesine oq tiip, qaza bolǵan.
Ýkrainada úsh aiǵa jaqyn ýaqyttan beri jalǵasyp jatqan soǵysqa Tájikstanda týyp-ósken qansha ásker qatysyp jatqany belgisiz. Sodan beri orys armiiasynda qyzmet etken ondaǵan tegi tájik jaýyngerdiń qaza bolǵany rastaldy.
Jaqynda ýkrain basylymdary soǵysqa qatysyp jatqan reseilik áskerilerdiń tizimin jariialaǵan. Onda Ortalyq Aziia elderinde týyp-ósken 6 myńǵa jaqyn jaýynger bolsa, olardyń 100-i Tájikstan týmasy ekeni belgili bolǵan.
